Marija Gabriel

De printervriendelijke versie wordt niet langer ondersteund en kan weergavefouten bevatten. Werk uw browserbladwijzers bij en gebruik de gewone afdrukfunctie van de browser.

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Mariya Ivanova Gabriel (20 mei 1979, Goce Delčev; Cyrillisch: Мария Иванова Габриел) is 'n Bölgaorse politica en lid vaan de partij GERB (Börgers veur Europese Oontwikkeling vaan Bölgarije). Dees partij is weer lid vaan de Europese Volkspartij (EVP) (zjus wie de Nederlandse CDA, de Vlaomse CD&V, de Duitse CDU en de Waolse CDH).

Gabriel waor verkoze tot Europarlemintariër in 2009. In 't Europees Parlemint haolde zie 'n zetel veur de Europese Volkspartij es GERB-lid. Op 19 jannewarie 2012 woort zie verkoze tot Eurocommissaris veur de EVP in de rechte vaan vrouwlui en genders. Op 19 oktober dat jaor woort zie viceprizzedent vaan de vrouwlui-aofdeiling vaan EVP. In juni 2013 woort zie verkoze tot Europarlemintariër vaan 't jaor in de categorie “Gender Equality”. Nao de recommendatie vaan Catherine Ashton, viceprizzedent vaan de Europese Kemissie in deen tied, woort Mariya Gabriel genommeneerd in november 2011 es Chef vaan de observatiemissie vaan de prizzedentiële verkiezinge vaan Congo. Zie is allewijl de Bölgaorse eurocommissaris in de Europese Kemissie, en nom dit euver vaan Kristalina Georgieva naotot zie op 10 mei 2017 woort genomineerd door Bölgaorse premier Bojko Borisov. Zie maak dei loet vaan de Juncker Kemissie, oonder leiing vaan de Luxembörger Jean-Claude Juncker. Ze is eurocommissaris vaan Digitaole Ikkenemie en Sameleving. Ze naom dit euver vaan d’n Es Andrus Ansip.

Rifferensie

Brón: Franstaolege Wikipedia