Skadi

En mitolojia, Skadi (norsce vea: Skaði) es un jotun e diva asosiada con xasa con arco, sci, inverno, e montanias. El es atestada en la Edda poesial, la Edda prosal, e la Heimskringla.

El es la fio de Þjazi (sua padre mor), e el sposi la dio Niord como parte de un compensa per la mata de sua padre. En la Heimskringla, Skadi ia divorsa Niord e plu tarda sposi la dio Odin, e ia ave multe enfantes con Odin. En la Eddas, Skadi es encargada con pone la serpente cual gota venena supra Loki, ci ia es liada a un roca. Skadi es ance conoseda como Öndurguð e Öndurdís ("diva de sci").

La orijina de la nom Skaði no es serta, ma alga studiante pote lia la nom a un forma orijinal de Scandinavia, posible con la sinifia "la isola de Skadi". Lo pote es ance liada con parolas en germanica vea per "ombra" (en engles, shadow), o a un nom en norsce vea cual sinifia "feri". Alga nomes de locas en Scandinavia refere a Skadi, e el ia es un inspira per multe obras de arte.