Saulxures-sur-Moselotte

Saulxure-sur-Moselotte

Vue iwwer Saulxures

Land

Frankräich

Regioun

Grand Est

Departement

Vosges

Arrondissement

47° 57’ 00’’ N
06° 46’ 11’’ O

Fläch

3.106 ha

Bevëlkerung

3.291 (1999)

Saulxures-les-Moselotte ass eng franséisch Gemeng an de Vogesen an der Regioun Grand Est.

D'Gemeng gehéiert zu den 198 Gemengen déi de Parc naturel régional des Ballons des Vosges bilden.

D'Awunner gi Saulxurons genannt.

Bis 1867 huet d'Uertschaft Saussures en Vosges geheescht.

Saulxures-sur-Moselotte läit am Dall vun der Moselotte, engem Niewefloss vun der Musel, mat ronderëm héije Koppe mat Bëscher. D'Uertschaft läit op enger Héicht vu 450 Meter (Niveau vum Séi). Déi héchst Plaz an der Gemeng ass den Haut du Roc am Norde vun der Gemeng an op der Grenz mat der Gemeng Basse-sur-le-Rupt.

Duerch den Dall ass se un Verkéier ugeschloss iwwer d'Departementale D43 déi vu Saint-Amé op Cornimont féiert.

Fir soss um kierzte Wee an déi aner Nopeschuertschaften ze komme geet et nëmmen iwwer de Bierg. Do kommen dann en ettlech Collen a Fro:

De Col du Xiard (786 m) fir op Vecoux
De Col de Mobieu (790 m) fir op Lettray
De Col de la Sure (741 m) fir op Ferdrupt a Remanvillers
De Col du Ménil (621 m) fir op Le Thillot
De Col d'Oderen (884 m) fir op Kruth
De Col de la Burotte (790 m) fir op Planois
De Col des Thayeux fir op Basse-sur-le-Rupt
De Col des Hayes fir op d'Departementale D34 tëscht Basse-sur-le-Rupt a La Bresse

Geschichtleches

Virum 7. Joerhonnert war den ieweschten Dall vun der Moselotte net bewunnt, an d'Weeër am Dall goufe nëmme benotzt fir d'Kléischter vu Remiremeont a Munster mateneen ze verbannen. Duerno hu sech lues a lues kleng Dierfer um Trajet installéiert.

Saulxures dat laang vun der Landwirtschaft, der Holz- a Granitexploitatioun gelieft huet, krut e groussen Opschwonk am 19. Joerhonnert duerch d'Textilindustrie déi sech do breet gemaach huet. Wéi et domat biergaf gaangen ass huet Uertschaft zu Gonschte vu La Bresse u Wichtegkeet verluer. E kënschtleche Séi op deem vill Fräizäitaktivitéiten ugebuede ginn, soll elo Saulxures touristesch méi intressant maachen.

Wopen

Beschreiwung vum Wopen (Originaltext):

D'or à la roue de moulin de gueules et au rameau de saule de sinople au chef d'azur à six losanges d'argent à la bande de gueules chargée de trois champignons d'argent brochant sur le tout.