Keres-Verdeedegung

Dësen Artikel beschäftegt sech mat der indescher Keres-Verdeedegung. Fir aner Bedeitungen, kuckt wgl. Keres-Verdeedegung (Homonymie).

Keres-Verdeedegung

a b c d e f g h 8 8 7 7 6 6 5 5 4 4 3 3 2 2 1 1 a b c d e f g h
Zich	1. d4 e6 2. c4 Lb4+
ECO	A40
Benannt no	Paul Keres
Aner Nimm	Känguru-Verdeedegung, Franco-Indesch Verdeedegung

D'Keres-Verdeedegung ass eng Erëffnung vum Schachspill. Se zielt zu den Zouene Spiller an ass an den ECO-Coden ënner dem Schlëssel A40 klassifizéiert.

D'Keres-Verdeedegung fänkt mat de follgenden Zich un:

1. d4 e6

2. c4 Lb4+

Déi selwecht Stellung kann och iwwer d'Englesch Erëffnung 1. c4 e6 2. d4 Lb4+ erreecht ginn.

Wäiss huet véier méiglech Zich fir dem Leeferschach ze begéinen, wouvun 3. Dd2?? allerdéngs net spillbar ass, well Wäiss doduerch just Material verléiert. Dohier bleiwen nach 3. Ld2, 3. Sc3 an 3. Sd2.

• 1. d4 e6 2. c4 Lb4+ 3. Ld2

Op 3. Ld2 ka Schwaarz säin ugegraffene Leefer entweeder mat 3.... Lxd2+ oftauschen oder mat 3.... a5, 3.... De7 oder 3.... c5 decken.

• 1. d4 e6 2. c4 Lb4+ 3. Sc3

Den Zuch 3. Sc3 bitt Schwaarz vill Transpositiounsméiglechkeeten. No 3.... Sf6 entsteet d'Nimzo-Indesch Verdeedegung, no 3.... f5 d'Hollännesch Verdeedegung, no 3.... d5 eng ongewéinlech Form vum ofgeleenten Dammegambit an no 3.... b6 d'Englesch Verdeedegung. Eng aner Méiglechkeet ass 3.... c5, wourop d'Partie nach ëmmer mat 4. e3 Sf6 an de Rubinstein-System vum Nimzo-Indeschen iwwergoe kann, allerdéngs féiert 3. d5 zu onofhängege Varianten.

• 1. d4 e6 2. c4 Lb4+ 3. Sd2

No 3. Sd2 huet Schwaarz prinzipiell déi selwecht Transpositiounsméiglechkeete wéi no 3. Sc3, just datt 3.... Sf6 4. Sf3 zur Bogo-Indescher Verdeedegung féiert. Allerdéngs kritt Schwaarz hei mat 3.... c5!? en einfacht Spill.

An der Enzyklopedie vun de Schacherëffnungen ass d'Keres-Verdeedegung ënner dem Schlëssel A40 klassifizéiert.

• A40: 1. d4

• Jens-Uwe Maiwald - Magnus Carlsen, Bundesliga 2008-2009

• Schachnotatioun