Demokratie

D'Demokratie ass e politesche System an deem d'Muecht bei der Majoritéit vum Vollek läit.

En huet säin Ursprong am anticke Griicheland, wou dee System am 5. Joerhonnert virun eiser Zäitrechnung an de Polise wéi Athen opkomm ass.^[1]

Déi meescht Länner an der westlecher Welt gëllen haut als Demokratien an deenen e Parlament d'Gesetzer stëmmt. Och d'Groussherzogtum Lëtzebuerg ass eng Demokratie. Am éischten Artikel vun der Lëtzebuerger Constitutioun steet:

«Art. 1er. Le Grand-Duché de Luxembourg est un Etat démocratique, libre, indépendant et indivisible.»^[2]

De Begrëff Demokratie kënnt vum algriischen δημοκρατία (dēmokratiā), wat een als "Herrschaft vum Vollek" kann iwwersetzen. Et setzt sech aus de Wieder δῆμος (dēmos), "Vollek", a κρατός (kratós), "Gewalt", "Muecht" oder "Herrschaft" zesummen.

• Gewaltentrennung
• Méiparteiesystem

1. ↑ Britannica: Democracy vum Robert A. Dahl (8. Februar 2019)
2. ↑ Verfassung vu Lëtzebuerg