Calamity Jane

Calamity Jane
Gebuer	1. Mee 1852
Gestuerwen	1. August 1903
Doudesursaach	Longenentzündung
Nationalitéit	Demokratesch Republik Kongo

D'Calamity Jane (engl. fir Katastrophen-Jane), fir richteg Martha Jane Cannary Burke, gebuer den 1. Mee 1852 zu Princeton, am Missouri, a gestuerwen den 1. August 1903 zu Terry bei Deadwood, a South Dakota, war eng US-amerikanesch Wild-West-Heldin.

D'Martha Jane Cannary war dat eelst vu sechs Kanner, wéi si 11, 12 Joer hat, sinn hir Eltere kuerz noenee gestuerwen. Si huet sech ëm hir kleng Gesëschter gekëmmert a probéiert, d'Famill iwwer Waasser ze halen. Si huet Männergezei ugedoen an eng Rëtsch Geleeënheetsaarbechte gemaach, wéi Postkutsche gefuer, als Gerante vun engem Saloon, Infirmière, Goldgriewerin an als Scout fir dem Generol Custer seng Truppen.

D'Calamity Jane gouf séier am Wëlle Weste bekannt, well se hire Mann ze stoe wousst, huet och "wéi e Mann" gefëmmt, gedronk a geflucht, a sech näischt bidde gelooss. Geschwë sinn Anekdoten iwwer si erzielt ginn, déi mat der Zäit ëmmer méi abenteuerlech goufen.

An den 1880er Joren huet si e puer Joer als Wiertsfra geschafft, an ass vun 1893 un am Buffalo Bill senger Wild-West-Show opgetrueden, wou se hir Reit- a Schéisskonschtstécker zum Beschte ginn huet.

1901 huet si bei der Pan-American Exposition matgemaach. Um Enn vun hirem Liewe war si Alkoholikerin a schwéier depressiv; si ass mat 51 Joer eleng a krank an engem Hotelszëmmer gestuerwen.

Et gëtt eng ganz Rëtsch Filmer, déi Anekdote vun hirem Liewen erzielen. Och vun der Comic-Serie Lucky Luke gëtt et e puer Alben, an deene se "matspillt".

• Calamity Jane (Film 1953)

• Calamity Jane: Calamity Jane's letters to her daughter.
• Doris Faber: Calamity Jane: Her Life and Her Legend. Houghton Mifflin, 1992, ISBN 0-395-56396-8.

Commons: Calamity Jane – Biller, Videoen oder Audiodateien

• Fiche bei Women's History