Parlamento Evropeo

El Parlamento Evropeo es el parlamento propio de la Union Evropea, kon los sus miembros eskojidos por los sitizenos evropeos desde el anyo 1979, lo kualo aze ke seya la unika organizasion internasionala eskojida por los sitizenos. Los diputados son eskojidos para 5 anyadas i apresentan a unos 490 milyones de personas, lo kualo aze ke seya el grup elektoral mas grande del olam, diskues de la India.

El parlamento esta konformado oy endiya por 736 disputados ^[1], los kualos apartienen a los payises ke azen parte de la Union Evropea i konforman el pueder lejislativo de la UE, el kualo tienen partajado kon el Konsejo de la Union Evropea. La su sede se topa en la sivdad fransesa de Estrasburgo, en Alsasia. En las diskusyones, los diputados se endjuntan asigun la su afinitad politika