Benedictus XVI

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Benedictus XVI, nasido komo Joseph Alois Ratzinger en Marktl am Inn, Bavaria, Almania, el 16 de Avril de 1927 era un Papás de la Iglesia Katolika. Dempues de la muerte de Ioannis Paulus II, fue elekto komo el 265.º Papa^[1] el 19 de Avril de 2005 por los kardenales ke votaron enel kónklave.^[2]

En Marso de 2011 reafirmo en su ovra "Yeshu de Nazaret - Parte II" ke los djudios no amortaron a Yeshu^[3], lo kualo avia kavzado asta muestros diyas un odio grande de parte de algunos kristyanos verso los djudios, muchiguando el antisemitizmo, por lo kualo el primér ministro de Israel Benjamin Netanyahu le mandó una letra en agradesimyénto^[4]

Benediktus XVI desho ofisyalmente el papado el 28 de Fevrero de 2013, por kavza de la su hazinura i edad.

1. ↑ El número korrekto de papas no es konosido. El Diccionario de los papas de César Vidal Manzanares (1997) lista al Papa Ioannis Paulus II (1978–2005) komo el 264.º Papa, aziendo a Benedictus XVI el 265.º.
2. ↑ Es el primer shefe del Kolej de Kardenales elekto Papa desde Paulus IV en 1555 i el primer kardenal-obispo elekto Papa desde Pius VIII en 1829.
3. ↑ Pope Benedict Exonerates Jews For Jesus' Death In New Book. Huffington Post
4. ↑ Agradesimyentos al Papa Benediktus XVI. Djurnal Şalom

Wikimedia Commons alberga kontenido multimedia sovre Benedictus XVI