Raimundus Sokolov
Raimundus Sokolov, vulgo Ray vel Raymond Sokolov (Detroiti natus die 1 Augusti 1941) est diurnarius et scriptor de re cibaria.
Detroiti educatus, alumnus est universitatum Harvardianae, ubi summa cum laude litteris classicis studuit gradumque doctoris quaerebat, et Oxoniensis: hic scholaris Fulbrightianus apud Collegium Wadhamense degit. Diurnarius iuxta hebdomadarium Newsweek Lutetiae et postea Novi Eboraci ab anno 1965 laboravit. Editor rerum cibariarum criticusque popinarum apud New York Times anno 1971 factus est, antecessore Craig Claiborne: quod munus quattuor annos implevit. Ab anno 1975 auctor liber opera de re coquinaria et de historia ciborum scribebat, sed eodem fere tempore usque in 2002 fasciculum edidit de artibus oblectamentisque apud diarium Wall Street Journal.
Vitam diurnarii politici A. J. Liebling, qui plures commentationes apud libellos New Yorker conscripserat, anno 1980 edidit. Nonnullos receptorum culinariorum collectus composuit quorum primum, iam anno 1973 confectum, e paginis New York Times congesserat; alterum anno 1976 quo systema iusculorum Francicorum explicavit; tertium anno 1989 de gastronomia Iudaeo-Americana. E commentationibus primum apud libellos Natural History divulgatis librum anno 1981 congessit titulo Fading Feast de gastronomia regionum Civitatum Foederatarum, alterum anno 1991 de renovationibus cibariis quae e permutatione Columbiana evolverunt. Memorabilia sua sub titulo Steal the Menu anno 2013 divulgari iussit.
Scripta
[recensere | fontem recensere]- Libri
- 1973 : Great Recipes from the New York Times. Novi Eboraci: Weathervane
- 1975 : Native intelligence. Novi Eboraci: Harper & Row
- 1976 : The Saucier's Apprentice. Novi Eboraci: Knopf. ISBN 0-394-48920-9
- 1980 : Wayward reporter: the life of A. J. Liebling. Novi Eboraci: Harper & Row
- 1981 : Fading Feast: A Compendium of Disappearing American Regional Foods. Novi Eboraci: Farrar, Straus and Giroux
- 1989 : The Jewish-American kitchen.
- 1991 : Why We Eat What We Eat. How Columbus Changed the Way the World Eats. Novi Eboraci: Simon & Schuster (Paginae selectae apud Google Books)
- 1991 : The new cook cookbook: an easy and imaginative guide for getting started in the kitchen. Novi Eboraci: Morrow
- 1995 : How to Cook. Novi Eboraci: Morrow
- 1996 : With the Grain. Novi Eboraci: Knopf
- 2003 : The Cook's Canon. Novi Eboraci: Harper Collins
- 2007 : A Canon of Vegetables. Novi Eboraci: Morrow
- 2013 : Steal the Menu: A Memoir of Forty Years in Food. Novi Eboraci: Knopf (Paginae selectae apud Google Books)
- Commentationes selectae
- 1974 : "One Man’s Meat Is Another's Person" in Natural History (Octobri 1974)
- 1981 : "Sunbelt Food: southern cooking, the major surviving native cuisine in the U.S.A." in Alan Davidson, ed., National and Regional Styles of Cookery: Proceedings: Oxford Symposium 1981 (Londinii: Prospect Books, 1981) (pp. 243-246 apud Google Books)
- 2015 : "Secrets of the Great Chefs: decrypting untrustworthy communications from the kitchens of Carême, Escoffier and Guérard" in Mark McWilliams, ed., Food & Communication: proceedings of the Oxford Symposium in Food and Cookery 2015 (Londinii: Prospect Books, 2015) pp. 20-28