Octava (liturgia)
Vide etiam paginam discretivam: Octava (discretiva).
Octava in usu liturgico Christiano est
- (a) dies octavus post sollemnitatem
- (b) octo dies a sollemnitate usque ad diem octavum, ipso die sollemnitatis incluso.
Usque ad instaurationem liturgicam Concilii Vaticani Secundi omnibus festis maioribus octavae erant. Nunc non sunt nisi duo: octava paschalis et octava natalis.
Omnis octavae paschalis dies - inter Dominicam Resurrectionis Domini et Dominicam in albis - ut sollemnitas agitur.
Infra octavam Nativitatis Domini festa sequentia sunt:
- Die 26 Decembris festum Sancti Stephani.
- Die 27 Decembris festum Sancti Ioannis Evangelistae.
- Die 28 Decembris festum Innocentium.
- Dies 29, 30 et 31 Decembris sunt dies octavae, textus liturgici ex missis diei natalis sumpti sunt.
- Dominica infra octavam Nativitatis Domini vel, ea deficiente, die 30 Decembris festum Sanctae Familiae Iesu, Mariae et Ioseph.
- Kalendis Ianuariis, die octava, est sollemnitas Sanctae Dei Genetricis Mariae et festum dulcissimi nominis Iesu.
In Calendario Orthodoxo soli Paschati octava est; sollemnitas Nativtatis Domini per duas hebdomadas durat usque ad Theophaniam (in Ecclesia Latina: Sollemnitas Epiphaniae Domini) die 6 Ianuarii. His diebus ob indolem festivam ieiunium omittitur.