Ioannes Galatoire
Ioannes, vulgo Jean Galatoire (Pardies prope Palum natus mense Decembri 1854; Novae Aureliae die 30 Septembris 1919 mortuus) fuit popinarius. Ab oppido nativo anno fere 1874 migravit. Cum muliere Gabriela Marchal (1862–1940) ad Birmingham Alabamae pervenit ubi anno 1887 apud Alabama Club archimagirus factus est, sed anno 1889 iam popinam suam condiderat Galatoire's Hotel and Restaurant; a quo pecuniis carens anno 1892 decedit Chicagumque petivit, anno insequenti propter expositionem Columbianam frequentatissimum. Coffearium Novae Aureliae anno 1900 constituit ad viam Canalis. In eadem urbe anno 1905 popinam Victor's emit atque ab eo anno sub novo nomine Galatoire's maxima laude conduxit, gastronomiam Francicam classicam iactans eo tempore quo apud Antoine's coquina Neo-Aurelianensis proponebatur. Anno 1916 nepotes tres Ioannis Galatoire popinam susceperunt, quorum proles usque hodie gerunt.
Bibliographia
[recensere | fontem recensere]- Marda Burton, Kenneth Holditch, Galatoire's: Biography of a Bistro. Novae Aureliae: Garrett County Press, 2011. ISBN 9781891053238
- Kerri McCaffety, Etouffee, Mon Amour: The Great Restaurants of New Orleans (Pelican Publishing Company, 2002. ISBN 1-56554-926-0) p. 56
- Jean-Michel Selva, "Béarnais en Louisiane : le resto chic d’un enfant de Pardies" in Sud-Ouest (3 Ianuarii 2020)
- David S. Shields, The Culinarians: Lives and Careers from the First Age of American Fine Dining. Chicagi: University of Chicago Press, 2017. ISBN 9780226406923
Nexus externi
[recensere | fontem recensere]- "Jean Galatoire" apud Bham Wiki
Inter fontes nostros - "History" apud Galatoire's
- "Jean Galatoire" apud Find a grave
- Joseph B. Stahl, "Antoine's and Galatoire's" (2016)