Insula Baker
Insula Baker est atollum desertum quod aliquantulum ad septentriones aequatoris in medio Oceano Pacifico circa 3100 chiliometra (1700 milia nautica) ad meridio-occidentem urbis Honolulu patet. Insula paene in medio itinere inter Havaios et Australiam iacet, territorium inconstitutum et inconditum Civitatum Foederatarum. Proxima terra est Insula Howland, 68 chiliometra ad septentriones sita.
Area superficialis est 1.64 chiliometra quadrata, litore 4.9 km longo. Clima est aequatoriale, pluvia parva, vento constante, et sole claro praeditum. Terra est humilis et arenosa: insula curalii angusto scopulo cincta, cum medio depresso lacuna carente, summo loco 8 metra super maris aequor.
Flora et fauna
[recensere | fontem recensere]
Fontes aquae dulcis absunt. Terra arboribus caret, herbaeque in quattuor generibus poacearum,[1] lianis prostratis, et fruticibus humilibus consistit. Insula praecipue est habitatio nidificandi, stabulandi, et pabulandi avium marinarum litoraliumque et ferarum marinarum.
Insula Baker est habitatio nonnullarum specierum periclitatarum et comminatarum. Arenaria interpres, Limosa lapponica, Calidris alba, Numenius tahitiensis, Pluvialis fulva, species in schemate conservationis nationalis "curae magnae" habitae, sunt aves litorales quae in insula habitant. Chelonia mydas et Eretmochelys imbricata, ambo comminatae, prope scopulum inveniuntur.[2]
Species avium marinarum sicut Fregata ariel, Anous stolidus, et Onychoprion fuscatus insula pro nidificando et stabulando utuntur. Insula etiam putatur locus consistendi et requiescendi avium litoralium quae in Arctica nascuntur.
Pinacotheca
[recensere | fontem recensere]-
Litus Insulae Baker, cum Sula sula. -
Signum piscium et ferarum. -
Pharus diurnus Insulae Baker. -
Reliquiae habitationis, turri radiophonica in scaena. -
Nonnulli Anoi stolidi cum turribus radiophonicis in scaena.
Notae
[recensere | fontem recensere]- ↑ U.S. Dept. of Interior. Baker Island. Accessum 6 Iulii 2008.
- ↑ De Insula Baker, apud www.fws.gov.
Nexus externi
[recensere | fontem recensere]
|
Vicimedia Communia plura habent quae ad Insulam Baker spectant. |
- "Baker Island National Wildlife Refuge," apud http://www.fws.gov/
- Insula Baker, apud http://www.cia.gov/
| Civitates |
Australia · †Iaponia · †Indonesia · Viti · Insulae Marsalienses · Insulae Palauenses · Insulae Salomonis · Samoa (Samoa Occidentalis) · Kiribati · Foederatae Micronesiae Civitates · Nauru · Nova Zelandia · Papua Nova Guinea · †Philippinae · †Timora Orientalis · Tonga · Tuvalu · Vanuatu |
|---|---|
| Territoria obnoxia |
Insulae Aleutiae · Insula Baker · Insula Christi Natalis · Guama · Havaii · Insula Howland · Insulae Mariannae Septentrionales · Insula Norfolk · Nova Caledonia · Polynesia Francogallica · Rapanui (Insula Paschalis) · Samoa Americana · Tokelau · Uvea et Futuna · Insula Wake |
