Baiarum libri
Baiae aut Baiarum libri aut titulo pleno Hendecasyllaborum sive Baiarum libri duo scripti sunt Latine a Ioanne Ioviano Pontano. In his libris sunt vel septuaginta carmina erotica de libidinibus Pontani et amicorum suorum ad mare et in balneis Baiarum cum meretricibus nonnullis. Inter amicos multi fuerunt participes Academiae Pontanianae. Virorum nomina vera in libro scribuntur, puellarum autem nomina poetica aut ficticia. Pontanus mortuus est anno 1503; haec carmina edita sunt anno 1505, et Venetiae ab Aldo Manutio, et Neapoli ab amico Petro Summontio, qui commentariolum addidit.
In carmine 1.10 Pontanus convitat amicos nonnullos ad convivium:
Puer, i, voca sodales
Albinum Elisiumque Compatremque
uncti, permadidi atque lippientes.
et dulcem Altilium, bonum Marullum:
ad coenam veniant; bibamus uncti,
– Pontanus, Baiarum libri 1.10
In carmine 1.17 praeparat festum Sancti Martini sive Martinalia cum vinis e cellario Ioannis Petruciani; vina sunt, inter alia, Corsicum, Barolum, Cretense, Vernacia. Carmen 1.18 est epithalamium Ioannis Brancati. In carmine 1.32 reiicit caseolos a duce Alphonso offertos, accipit carduos Sicilianos a Ioanne Albino datos.
Metrum omnium carminum est hendecasyllabicum (aliter phalaecium) ad honorem Catulli, qui hoc metro usus est.
Amici quibus carmina dicata sunt
[recensere | fontem recensere]- Franciscus Aelius
- Alphonsus (dux Calabriae)
- Gabriel Altilius
- Masius Aquosa
- Constantia de Avalos
- Franciscus Caraciolus
- Hieronymus Carbo
- Benedictus Chariteus
- Petrus Compater
- Andreas Contrarius
- Leonardus Corvinus, episcopus Potentiae
- Fridericus IV (rex Neapolitanus)
- Antonius Galateus
- Elisius Gallutius
- Petrus Gravina
- Michael Tarchaniota Marullus
- Ioannes Pardus
- Franciscus Puccius
- Franciscus Pudericus
- Manlius Rallus
- Actius Sincerus
- Petrus Paulus Sarranus
- Ariadne Sassone, uxor Pontani
- Suardus Suardinus
- Petrus Summontius
- Marinus Tomacellus
Puellae laudatae
[recensere | fontem recensere]Bibliographia
[recensere | fontem recensere]- Rodney G. Dennis, ed. et interpr., Giovanni Gioviano Pontano, Baiae. Cantabrigiae Mass., 2006. (Latine, Anglice) (Paginae selectae apud Google Books)
- Carol Kidwell, Pontano, poet and prime minister. Londinii 1991.
- John Addington Symonds, The Renaissance in Italy: Italian literature pars 2 (Londinii: John Murray, 1914) pp. 185-192.
Nexus externi
[recensere | fontem recensere]- Hendecasyllaborum seu Baiarum libri duo in Vicifonte
- Hendecasyllabi apud Poeti d'Italia
De hac re nexus intervici usque adhuc absunt. Adde, si reppereris.