Gadhung
| Dioscoreaceae | |
|---|---|
| |
| Dioscorea balcanica | |
| Klasifikasi ngèlmiah | |
| Karajan: | Plantae |
| Unranked: | Angiospermae |
| Unranked: | Monocots |
| Ordho: | Dioscoreales |
| Famili: | Dioscoreaceae R.Br. |
| Genera | |
|
See text | |
Gadhung (Dioxorea hirsuta) iku wit kang uripé ngrambat, thukul ana ing ing alang-alang utawa tinandur ana padésan. Gadhung cina asalé saka nagara Cina, uga bisa ditandur ing Indonésia.
Kandhungan kimia kang ana ing gadhung ya iku ing rimpang ana stéroid saponin, diosgenin, alkaloid fenol, asem amino, smilax saponin A, B, C.[1] Gadhung rasané legi, pait, tawar, lan asipat adhem.
Kasiyat
[besut | besut sumber]Kasiyaté gadhung bisa kanggo ngresiki getih, tamba lara syphilis lan lara kang mbebayani. Saliyané iku gadhung bisa kanggo antiradhang, antirématik, antitoksin, antibiotik, lan anti kangker. Gadhung uga bisa dienggo nambani lara rématik artritis, lara sendhi, lumbago, sciantica, njarem, diabètès, kangker, lan kaputian. Gadhung mau kena digunakaké yèn wong mau ora vègetarian, ora maem daging, utawa tau migunakaké banyu raksa. Gadhung yèn dicampur ramuan liyané bisa ndadèkaké beciké, jalaran daya kang mendemi dadi kurang.[2]
Cara nambani lara rématik
[besut | besut sumber]Gadhung saendhog pitik, cengkèh 7 iji, pala separo, digodhog banyu 2 gelas nuli di ombé.
Cara ngolah gadhung
[besut | besut sumber]Gadhung dioncèki diiris-iris(kandelé 2–3 mm) banjur diekum banyu lan uyah sithik sadina sewengi. Sawisé dientas nuli diawoni. Supaya banyu kang mendemi metu, gadhung diwadhahi rinjing lan diidak-idak. Ésuké dikumbah banyu resik, nuli diepé yèn wis garing bisa disimpen. Yèn arep dipangan gadhung mau bisa didang utawa digorèng dadi kripik.
Cathetan sikil
[besut | besut sumber] |
Wikimedia Commons duwé médhia ngenani Dioscoreaceae. |