Wikisastra:Bab

Ngahad 3 Novèmber 2024 61.261 èntri

Sugeng rawuh ing Wikisastra, situs Wiktionary ing basa Jawa. Situs iki minangka proyèk tembayatan (kolaboratif) kang ancas mbangun bausastra (kamus) manéka basa mawa kontèn mardika. Ing kéné, kabèh tembung saka manéka basa kawedharaké sarana basa Jawa.

Wikisastra ora kaya bausastra lumrahé. Kontèné ngemu dasanama (tésaurus), panuntun guru lagu (rhyme guide), serat pitembungan (phrase book), setatistik basa lan apéndhik. Wikisastra ora mung ngemu wedharaning tembung, nanging uga katerangan liyané supaya wong-wong bisa sumurup surasané tembung. Mula, katerangan bab mulabukané tembung (étimologi), cara pangucapé tembung, conto panganggoning tembung, tembung sawerdi (sinonim), tembung kosokbalèn (antonim), lan pertalan (tarjamahan) uga kalebu ing kéné. Sapréné Wikisastra iki wis nduwèni 61.261 èntri kang isih terus diwuwuhi lan disampurnakaké.

Wikisastra iku wiki, kang tegesé kowé kena mbesut lan ngowahi, lan kabèh kontèné kaayoman ing lisènsi cacah loro: Creative Commons Attribution-ShareAlike 3.0 Unported License lan GNU Free Documentation License. Sadurungé kowé ngéwangi mbangun situs iki, prayoga kowé maca sawenèh kaca pitulung. Kowé uga kudu ngerti manawa wiki iki béda saka wiki liyané. Ing kéné ana paugeran kang keket bab tata gelar (layout) lan paugeran bab isèn-isèn. Kowé bisa sinau cara nggawé kaca, cara mbesut èntri, njajal ing bak wedhi, lan marani Gapura Paguyuban supaya kowé bisa urun daya nuwuhaké Wikisastra iki.