Bury

Bury er enskur bær á stórborgarsvæði Manchester og liggur við ána Irwell. Bury er um 12 km norðvestur af Manchester. Tæp 80.000 búa í Bury (2015) en nær 190.000 á svæðinu Metropolitan Borough of Bury (2011).

Bury þýðir það sama og virki eða kastali samanber borg á íslensku og burg á þýsku.

Bury F.C. knattspyrnulið bæjarins spilaði síðast í League One en liðið varð gjaldþrota árið 2019.

• Sir Robert Peel, fyrrum forsætisráðherra Englands.
• Cherie Blair, kona Tony Blair fyrrum forsætisráðherra.
• Kieran Trippier, knattspyrnumaður.
• Gary Neville og Phil Neville, knattspyrnumenn og bræður.
• Ian Wallace, trommari sem spilað hefur með King Crimson og Bob Dylan meðal annarra.

• Fyrirmynd greinarinnar var „Bury, Greater Manchester“ á ensku útgáfu Wikipedia. Sótt 14. nóv. 2019.