Wp/isv/Vikipedija

Vikipedija (ang.: Wikipedia) jest svobodna mnogojezyčna onlajn-enciklopedija, ktoru piše i podtrimaje občina koristnikov-dobrovoljcev črěz ustroj viki-pravjeńja. Vikipedija jest najveliky i najčitajemy priručnik v historiji i doslědno jest jedin iz 15 najpopularnyh sajtov po ocěnkě Aleksy. Projekt ne imaje reklamy i hostuje se Fundacijeju Vikimedijeju, amerikanskoju bezkoristnoju organizacijeju, ktoru podtrimajut glavno črěz male dary. Cěljem Vikipedije jest sbirańje vsěgo znańja na cělom světě.

Vikipedija byla početoju 15 januara 2001 roka Džimi Velsom i Lari Sengerom i početkovo byla dostupna jedino na anglijskom jezyku. Skoro byli brzo počete versije na inyh jezykah, i v 2021 roku Vikipedija imaje obče čislo v veče 55 milionov člankov na veče 310 jezykah, ktore može svobodno praviti vsaki.

Nazva Vikipedije proizhodi od sjedinjeńja viki (od havajskogo wiki "brzy") i enciklopedija.

Vikipedija byla početa kako dodatočny projekt k Nupediji, svobodnoj onlajn-enciklopediji na anglijskom jezyku, članky v ktoroj pisali znalci i prěgledali služebnym procesom. Ju osnovala 9 marca 2000 roka kompanija Bomis, ktora byla susrědotočena na stvorjeńju portalov s erotičnym sodržańjem. Glavnymi ljudami v Nupediji byli Džimi Vels, direktor Bomisa, i Lari Senger, glavny redaktor Nupedije i potom Vikipedije. Nupedija imala svoje svobodno dozvoleńje Nupedia Open Content License, ale ješče do izpuščeńja Vikipedije ona izměnila dozvoleńje na GNU Free Documentation License po zovu Ričarda Stolmana. 10 januara 2001 roka Senger prědložil stvoriti viki kako dodatočny projekt dlja Nupedije.

Vikipediju počeli 15 januara 2001 roka na anglijskom jezyku na domenu www.wikipedia.com. Vikipedijna politika "nevtralnoj točky zrěńja" byla stvorjena v prve několiko mesěcev. Početkovo, kompanija Bomis hotěla izdělati ju biznesom dlja koristi.

• Glavny portal Vikipedije
• Tutoj članok imaje prěvod iz članka "Wikipedia" v Vikipediji na anglijskom (spis avtorov; dozvoljeńje CC BY-SA 4.0).