Mohamed Bazoum
| Mohamed Bazoum | |
|---|---|
.jpg) | |
| Land | Avise:NIG |
| Nascentie | 1-im Januar 1960 |
| Partise | Nigrian Partise de Democratie e Socialisme |
| Oficies | |
| Presidente de Niger | |
| Quande | 2-im de april 2021 til 26-im de julí 2023 |
| Antecessor | Mahamadou Issoufou |
| Successor | Abdourahamane Tchiani |
Mohamed Bazoum es un politico de Niger. Il nascet li 1-im de januar 1960 e esset inter li 2-im de april 2021 til 26-im de julí 2023 presidente de Niger. Mohamed Bazoum es presidente del Nigrian Partise de Democratie e Socialisme.
Personal e professional vive
[modificar | redacter fonte]Mohamed Bazoum studiat filosofie in Dakar (Senegal). Pos su studies il laborat quam instructor de filosofie in scolas.
Mohamad Bazoum apartene al etnic gruppe de Diffa-Arabes e su familie origina de Tesker.
Mohamed Bazoum es maritat con Hadiza Ben Mabrouk.
Political cariera
[modificar | redacter fonte]- 1993 Mohamed Bazoum es electet quam membre del parlament por li Nigrian Partise de Democratie e Socialisme.
- 1995-1996 Bazoum esset ministre por externi aferes e cooperation de Niger.
- 2004-2009 Mohamed Bazoum esset denov membre del parlament por li Nigrian Partise de Democratie e Socialisme.
- 2011-2016 Ministre por externi aferes de Niger.
- 2016-2021 Ministre por interni aferes de Niger.
- 2021-2023 Presidente de Niger. Il perdit su ofice per un colpe del state del militarie ye li 26-im de julí 2023.