Tsunami

Tsunami (津波, "gelumbang penyangkai") iya nya siri gelumbang ti nyadi pengudah tanah berenyang, tanah tusur (ba dasar tasik), aktiviti gunung berapi, meletup, tauka empas meteor ti nyadi ba tauka semak tasik. Tenaga ti dipansutka dalam tiap tsunami nya tetap nyadi fungsyen peninggi enggau pengelaju iya. Nya alai, lebuh gelumbang nyau semak enggau tebing, peninggi iya majak nambah seraya pengelaju iya majak kurang. Gelumbang tu bejalai enggau pengelaju ti tinggi, nyau deka enda diperatika lebuh meraka ai dalam, tang ulih niki ngagai peninggi 30 meter tauka lebih ngambika ulih dipeda niki baka ai pasang besai enda baka gelumbang biasa ti mechah ba endur ti teduh.^[1] Tsunami tau mai pengerusak ti balat ngagai kandang menua pesisir enggau pulau-pulau.

Tebal agi mengeri ngelingi Tasik Pasifik kelebih agi di Jipun tang mega di Hawaii, bisi sistem jaku tangkan enggau prosedur mindah enti sema bisi tsunami ke balat. Tsunami ulih dijangka mayuh macham institusyen seismologi di serata dunya lalu pemansang iya dipatau nengah satelit.

Bukti nunjukka megatsunami mega ulih nyadi, ketegal sebagi besai pulau nya runtuh ke tasik, ukai utai ke enda ulih nyadi. Mayuh agi orang mati ketegal tsunami ari tanah berenyang.