Bintang

Bintang iya nya bebola jisim gas ti ditempa ketegal daya tarit graviti sida empu. Penampak bintang asil ari reaksyen fusi nuklear ba teras, ke alai elemen hidrogen begempung ngasilka elemen helium, gelumbang elektromagnetik, enggau tenaga. Pemungkal pengada bintang dipelabaka ari gumpalan gas hidrogen enggau debu luar angkasa ti nyadi Nebula.

Lebuh debu enggau gis begempuru, daya graviti nambah lalu narit mayuh agi debu enggau gis pansut ari Nebula nyentukka iya dikompres lalu nyadi bebola gis. Lebuh bola gis ngembuan daya tarit graviti ti tinggi, tekanan nya nambah ngujungka pengangat ti tinggi nyentukka fusi nuklear gis hidrogen nyadi ti ngelepaska helium, pengangat, enggau penampak.

Bintang ke pemadu semak enggau bumi iya nya mata panas ba penyauh urung 149,680,000 kilometer, ditangkan enggau Proxima Centauri dalam rumpun bintang Centaurus urung 39.9 trilion kilometer tauka penyauh 4.2 taun cahaya. Bintang dibagi nitihka spektrum penampak ti diasilka sida, ti nentuka chura api bintang, pengangat, penampak, pemesai, jisim, pemayuh tubuh, enggau komposisyen kimia.