Paraphylia

In taxonomia, un gruppo es paraphyletic si illo include le ancestre commun del gruppo e tote le descendentes de iste ancestre minus alicun—un o duo, typicamente—subgruppos monophyletic. On dice que le gruppo es paraphyletic relativemente al subgruppos excludite. Le classification del membros de un gruppo paraphyletic es denominate un paraphylia. Le termino es communmente usate in phylogenetica (un dominio del biologia) e alsi in linguistica.

Iste termino esseva inventate pro esser applicate a taxones multo cognoscite como Reptilia (reptiles) que, conforme a lor nomines e definitiones traditional, es paraphyletic relativemente al mammiferos e aves. Reptilia contine le ultime ancestre commun del reptiles e tote su descendentes—includente tote le reptiles existente hodie e le synapsides extincte—minus mammiferos e aves. Altere gruppos paraphyletic communmente recognoscite include le pisces, le simias e le lacertas.^[1]

Si multe subgruppos es absente del gruppo designate, on dice que illo es polyparaphyletic. Un gruppo paraphyletic non pote esser un clado (gruppo monophyletic), a saper qualcunque gruppo de species que include solmente un ancestre commun e tote su descendentes.

(anglese)

Iste pagina contine material traducite ab Wikipedia in anglese. Le articulo original se trova a en:Paraphyly, e es usate secundo le mandatos del licentia de Wikipedia.