deicida etc.; deicidio etc.; semideo etc.; dea-semidea etc.
+ deontologia {s} (gr. deon, -ontos, lo que il debe facer, e logos, discurso) Insimul del regulas e del deberes que rege un profession, le conducta de celles qui lo exercita, le reportos inter istes e lor clientes o le publico: - medical.
+ deontologic {adj} Del deontologia.
+ deo volente {expres} lat. si deo lo vole, con le voluntate de deo.
departimental {adj} Que ha reporto al departimento: route -.
departimento {s} (fr. département) Branca superior del administration del stato e le institution que lo servi, ministerio: Departimento del Agricultura, Departimento del Justitia, Departimento del Affaires Estranier, Departimento del Interior, Departimento del Commercio, Departimento del Guerra/del Defensa, Departimento del Financias, Departimento del Instruction Public/del Education National, Departimento del Labor, Departimento del Marina, Departimento del Sanitate, Departimento del Obras public.
departir {v} (del lat . departiri, partir) Distribuer: - se, abandonar, renunciar a: ille non se departiva de su calma. De hic: departimento-departimental.
depauperar {v} Impovrir, prender de ille le poter, le fortia, le vigor.
depauperation {s} Action de pauperar.
depeche {s} (parola fr.) Littera concernente le affaires public: - diplomatic, - cifrate; aviso, communication facite per le telegrapho. Syn. telegramma.
dependente {adj} Qui es in dependentia, in le subordination: esser - de alcuno.
dependentia {s} Subjection, subordination, servitude: esser sub le - de alcuno; toto lo que face parte de un casa, de un heritage, de un teritorio: -s de un hotel/schola.
depender {v} (lat. dependere, esser ligate a) esser le consequentia, le resultato; derivar: le felicitate depende del conducta; esser sub le dependentia, le autoritate de: - de su parentes, isto depende del circumstantias. De hic: dependente-dependentia; independente-independentia.
deperimento {s} Perdita, diminution: - de calor, - de energia, - physic; ruina, decadentia, perdition.
deperir {v} (lat. deperire) Debilitar se, marcer, degenerar se: su sanitate deperi; ir verso su ruina: iste interprisa deperi, lassar - un infante. Fig. decader, corrumper, ruinar, expirar. De hic: deperimento.
+ depersonalisar {v} Facer perder a alcuno characteres dominante, a alcuno su originalitate, render banal, anonyme.
+ depersonalisation {s} Action de depersonalisar; Psychiatr. Alteration del conscientia del corpore, arrivante usque non recognoscente se ipse.
depict- vide depinger.
depiction {s} Inscription, tableau, designo, gravure; pictura, specialmente de un ecclesia.
+ depigmentation {s} Perdita o absentia del pigmentos del pelle.
depilar {v} (lat. depilare, de pilus, pilo) Facer cader le pilos: - un pelle, - le axillas.
depilation {s} Action de depilar.
depilatori {adj} Se dice de un preparation special pro facer cader le pilo: crema/pasta -.
depilatorio {s} Substantia depilatori.
depinger (-ping-/-pict-) {v} Figurar, effigiar, portraitar; describer: - in parolas. De hic: depiction.
depler {v} Med. Vacuar, exsiccar, exhaurir. Fig. extenuar. De hic: depletion; depletive.
depletion {s} Med. Vacuation, sanguination, emission de sanguine.
depletive {adj} Med. Purgative, que produce hemoragia.
deplorabile {adj} Digne de compassion, de pietate: esser in un situation.
