Keanu Reeves

She aghteyr as kiaulleyder Canadagh^[a] eh Keanu Charles Reeves (ruggit er 2 Mean Fouyir 1964). She fowder ymmodee accolaidyn ayns coorse kiare jeihaghtyn er y scaailan. Ayns 2020, chur The New York Times eh stiagh er rolley myr y kiarroo aghteyr share jeh'n 21d eash, as ayns 2022 denmys yn earishlioar Time eh myr nane jeh ny 100 deiney smoo cummaghtagh 'sy theihll. Ta enney mie er reeves kyndagh rish e phaartyn toshee ayns filmyn jantys, e yalloo caarjoil mastey'n phobble, as e eabbyn miallagh.

Keanu Reeves
Reeves ec Primavera Sound 2024
Ennym ruggyree	Keanu Charles Reeves
Ruggit	2 Mean Fouyir 1964(1964-09-02) (60 bleeaney d'eash) Beirut, y Livaan
Ynnyd beaghee	Los Angeles Toronto
Seyraanaght	y Chanadey
Çhengey	Baarle
Keird	aghteyr çhellveeish · aghteyr fillym · aghteyr · gienteyder fillym · stiureyder fillym · arraneyder · aghteyr goo · screeudeyr
Greieyn	dord · gitar · goo
Ynsagh	De La Salle College (en) North Toronto Collegiate Institute (en) Avondale Secondary Alternative School (en) Etobicoke School of the Arts (en) American Community School at Beirut (en)
Yrjid	1.86 m
Trimmid	79 kg
Leggad	Jennifer Syme (en) Alexandra Grant (en)
Paitçhyn	slane rolley Ava Reeves (en)
Ayr	Samuel Nowlin Reeves, Jr.
Moir	Patricia Taylor
Aundyryn	slane rolley MTV Movie Award for Best On-Screen Duo  (1995) : Speed (en) MTV Movie Award for Most Desirable Male  (1992) : Point Break (en) MTV Movie Award for Best Male Performance  (2000) : The Matrix (mul) star on Hollywood Walk of Fame Time 100  (2022)
Kianglaghyn fysseree as sheshoil
IMDb	nm0000206
Discogs ID	518001
Models.com	keanu-reeves

Ruggit ayns Beirut as troggit ayns Toronto, ghow eh toshiaght rish e choorse cloie 'sy straih hellveeish Chanadagh Hangin' In (1984), roish my ghow eh toshiaght rish e choorse ard-fillym lesh Youngblood (1986). Haink e chied rah 'syn aittys far-skeeal sheanse Bill & Ted's Excellent Adventure (1989), as ren eh aa-chloie yn paart shen 'sy fillym eiyrtyssagh Bill & Ted's Bogus Journey (1991). Hooar eh moylley tra chloie eh gaskeydagh 'sy drama seyr My Own Private Idaho (1991) as chur eh eshyn hene er bun myr feniagh jantys lesh paartyn toshee ayns Point Break (1991) as Speed (1994). Lurg shiartanse dy filmyn neu-rahoil, hooar eh ard-voylley er lieh e chloie 'sy fillym atçhim The Devil's Advocate (1997). Haink tooilley rah lesh e phaart myr Neo ayns The Matrix (1999); ren eh aachloie yn paart shen ayns ny filmyn eiyrtyssagh The Matrix Reloaded as The Matrix Revolutions (y daa jeu ayns 2003).

Chloie eh John Constantine ayns Constantine (2005) as va ard-phaartyn echey 'sy drama romansagh The Lake House (2006), 'sy fillym creauagh far-skeeal sheanse The Day the Earth Stood Still as 'sy fillym creauagh kimmeeys Street Kings (y daa jeu ayns 2008). Ghow eh toshiagh rish e choorse stiuree ayns ard-filmyn lesh Man of Tai Chi (2013). Lurg lag-earish ghiare, haink Reeves er-ash tra chloie eh yn dunver ennymagh 'sy straih filmyn jantys John Wick (2014–jiu). Chur eh e ghoo rish Duke Caboom ayns Toy Story 4 (2019) as Johnny Silverhand 'sy ghamman-feeshan Cyberpunk 2077 (2020) chammah as e phaggey far-lhieent. Chammah's shen, ren eh aa-chloie e phaartyn myr Ted ayns Bill & Ted Face the Music (2020) as Neo ayns The Matrix: Resurrections (2021). Haink eh er-ash rish e vann Dogstar as hie ad er turrys cur pohlldey da'n chied albym v'oc lurg ny smoo na daa yeihaght, Somewhere Between the Power Lines and Palm Trees (2023).

Cur liorish e choorse myr aghteyr as kiaulleyder, she co-screeudeyr as crootagh y chiartys BRZRKR franchise ta Reeves, hie er ny hoshiaghey lesh y lioar caslys-skeeal bunneydagh (2021–2023) as v'er ny vooadaghey dy ghoaill stiagh ymmodee shagh-obbraghyn. She co-screeudeyr ram lioaryn t'eh chammah, goaill stiagh daa lioar marish e leggad foddey-çhiarrymagh Alexandra Grant, chammah's y shagh-lioar BRZRKR, The Book of Elsewhere marish China Miéville. T'eh ny ghleash-wheeyleyder chammah, as she co-vunneyder t'eh lesh y jantagh thalhearit ARCH Motorcycle, as she cu-vunneyder y cholught gientyn Company Films marish e heshaghtagh Stephen Hamel.