Thomas Horsfield

Thomas Horsfield

Biografía
Nacemento	12 de maio de 1773 Filadelfia, Estados Unidos de América
Morte	24 de xullo de 1859 (86 anos) Londres, Reino Unido
Actividade
Campo de traballo	Zooloxía e botánica
Ocupación	conservador, biólogo, entomólogo, botánico, zoólogo, ornitólogo, médico
Membro de	Royal Society Leopoldina Real Academia de Artes e Ciencias dos Países Baixos
Obra
Abreviación dun autor en botánica	Horsf.
Premios
membro da Royal Society
Descrito pola fonte	Dictionary of National Biography Dicionario Enciclopédico Brockhaus e Efron

Thomas Horsfield, nado en Bethlehem (Pensilvania) o 12 de maio de 1773, e finado en Londres o 14 de xullo de 1859, foi un médico e naturalista estadounidense.

Horsfield estudou medicina na Universidade de Pensilvania.^[1] Traballou como médico en Xava durante moitos anos. Despois de que a Compañía Británica das Indias Orientais conquistara a illa aos neerlandeses, en 1811, Horsfield comezou a coleccionar plantas e animais para o seu amigo Thomas Stamford Raffles. En 1819 debeu abandonar a illa debido a problemas de saúde, instalándose en Inglaterra, chegando a ser conservador do Museo da Compañía Británica das Indias Orientais, en Londres.

Foi secretario axudante da Sociedade Zoolóxica de Londres, cando se fundou en 1826.

Horsfield escribiu, entre outras obras, Zoological Researches in Java and the Neighbouring Islands (1824). Así mesmo, clasificou varias especies de aves e mamíderos xuntamente co seu amigo Nicholas Aylward Vigors.

O seu traballo máis notábel foi "A description of the Australian birds in the collection of the Linnean Society; with an attempt at arranging them according to their natural affinities", publicado en 1927 en Trans. Linn. Soc. Lond..

Various autores dedicaron numerosas especies a Horsfield, entre elas:

• Un esquío:
  • Iomys horsfieldii (Waterhouse, 1838) por George Robert Waterhouse (1810-1888).
• Dous morcegos:
  • Myotis horsfieldii (Temminck, 1840) por Coenraad Jacob Temminck.
  • Cynopterus horsfieldi Gray, 1843 por John Edward Gray (1800-1875).
• Unha musaraña :
  • Crocidura horsfieldii (Tomes, 1856)
• Unha tartaruga :
  • Testudo horsfieldii Gray, 1844 por John Edward Gray (1800-1875).
• Tres aves:
  • Myiophonus horsfieldii Vigors, 1831 por Nicholas Aylward Vigors (1785-1840).
  • Pomatorhinus horsfieldii Sykes, 1832 por William Henry Sykes (1790-1872)
  • Zoothera horsfieldi (Bonaparte, 1857) por Charles Lucien Bonaparte (1803-1857).

Así mesmo, un xénero botánico foi nomeado na súaa homenaxe:

• Horsfieldia da familia das Myristicaceae, creado por Carl Ludwig von Willdenow (1765-1812) en 1805.

A abreviatura Horsf. emprégase para recoñecer a Thomas Horsfield como autoridade na descrición e clasificación científica dos vexetais.​

A abreviatura Horsfield emprégase para recoñecer a Thomas Horsfield como autoridade na descrición e taxonomía en zooloxía.

Wikimedia Commons ten máis contidos multimedia na categoría:  Thomas Horsfield

• John S. Bastin (1982): "The geological researches of Dr Thomas Horsfield in Indonesia, 1801-1819". En: Bulletin of the British Museum (Natural History) / Historical series 10, 3, ISSN 0068-2306, pp. 75–115.
• James B. MacNair (1942): "Thomas Horsfield, American naturalist and explorer". En: Torreya. A bimonthly journal of botanical notes and news. Vol. 42, ISSN 0096-3844, pp. 1–9.