Seewoosagur Ramgoolam
  | |
| Biografía | |
|---|---|
| Nacemento | 19 de setembro de 1900 Flacq, Mauricio (pt)  |
| Morte | 15 de decembro de 1985 (85 anos) Port Louis, Mauricio |
| Governor-General of Mauritius (en) | |
| 28 de decembro de 1983 – 15 de decembro de 1985 ← Dayendranath Burrenchobay – Cassam Moollan (en) → | |
| Presidente da Organización para a Unidade Africana | |
| 2 de xullo de 1976 – 2 de xullo de 1977 ← Idi Amin – Omar Bongo → | |
| Primeiro ministro de Mauricio | |
| 12 de marzo de 1968 – 30 de xuño de 1982 | |
| Chief Minister of Mauritius (en) | |
| 26 de setembro de 1961 – 12 de marzo de 1968 ← sen valor – Supresión do cargo → | |
| Presidente Labour Party (en) | |
| 1959 – 1984 ← Renganaden Seeneevassen – Satcam Boolell → | |
| Datos persoais | |
| Relixión | Hinduísmo |
| Educación | University College de Londres London School of Economics Royal College Curepipe (en) |
| Actividade | |
| Ocupación | político, filántropo |
| Partido político | Labour Party (en) |
| Familia | |
| Fillos | Navin Ramgoolam |
| Premios | |
| Descrito pola fonte | Africa: An Encyclopedic Reference (en) , (vol:2) |
| Páxina web | ssr.intnet.mu |
Seewoosagur Ramgoolam (hindi: सर शिवसागर रामगुलाम e tamén coñecido como Chacha Ramgoolam), nado en Belle Rive o 18 de setembro de 1900 e finado en Port Louis o 15 de decembro de 1985, foi un político, estadista e filántropo mauriciano. Un dos principais dirixentes do movemento pola independencia do seu país, serviu como o seu primeiro ministro en xefe e primeiro ministro de Mauricio, así como o seu gobernador xeral. Foi tamén presidente da Organización da Unidade Africana de 1976 a 1977. Como líder do Partido Laborista, Ramgoolam loitou polos dereitos dos traballadores e conduciu a Mauricio cara á indepencia en 1968.
Traxectoria
[editar | editar a fonte]Naceu nunha pequena localidade da provincia de Flacq. Seu pai, Moheeth Ramgoolam, membro da comunidade kurmi[1], era un traballador inmigrante indio de Bihar que chegara a Mauricio en 1896 con 18 anos a bordo do barco The Hindoostan como servo por contrato, máis tarde converteuse en sirdar (supervisor) nunha plantación de azucre. Ao casar con Basmati Ramchurn en 1898 trasladouse a outra plantación, xa en Belle River. Basmati era viúva con dous fillos Nuckchadee Heeramun e Ramlall Ramchurn.
Ramgoolam estudou hindi, cultura india e filosofía nunha baitka, escola nocturna da comunidade india. Con sete anos perdeu a seu pai. Logo pasou a unha escola católica próxima e alí aprendeu historia, xeografía, inglés e francés[2], e despois entrou nunha escola pública. Con doce anos sufriu un grave accidente que lle custou o seu ollo esquerdo. Continuou os seus estudos en Curepipe vivindo cun seu tío.
Tras rematar o ensino secundario, traballou durante tres meses na administración. Nesa época morreu súa nai e coa axuda financeira dun irmán marchou a estudar medicina no University College de Londres en 1921 e no Reino Unido permaneceu ata 1935[3]. Tras a súa volta a Mauricio, Ramgoolam que inicialmente fora un fervente admirador da administración británica e do seu imperio, comezou a clamar no xornal por el fundado, Advance, por un movemento popular que lograse a igualdade de trato, consideración, educación e posibilidades de todos os mauricianos. Entrou no Partido Laborista, foi concelleiro en Port Louis en 1940 para logo formar parte do Consello Lexislativo en 1948 da Asemblea Lexislativa. En 1958,[4] converteuse no líder do Partido Laborista, sucedendo a Emmanuel Anquetil. Serviu como ministro en xefe de 1961 a 1968 e durante esa etapa a raíña ordenouno cabaleiro do imperio británico o 12 de xuño de 1965
Ramgoolam foi un fervoroso admirador de Mahatma Gandhi e traballou para garantir unha independencia pacífica, e unha vez lograda, o 12 de arzo de 1968, permaneceu como primeiro ministro, dirixindo unha serie de gobernos de coalición ata 1982. Nas eleccións xerais dese ano, perdeu fronte á coalición liderada polo Movemento Militante Mauriciano (MMM); Ramgoolam nin sequera mantivo o seu asento na cámara e Anerood Jugnauth pasou a ser o novo primeiro ministro. Ao ano seguinte houbo unha escisión no seo do MMM e convocáronse novas eleccións. Ramgoolam e o Partido Laborista apoiaron a Jugnauth e o seu novo partido, o Movemento Militante Socialista, gañador das eleccións, o que lle permitiu a Ramgoolam ser o novo gobernador xeral, ocupando o cargo ata a súa morte en 1985.
Notas
[editar | editar a fonte]- ↑ Heerah, Hashwini Laiticia. "Gender and Politicised Religion". p. 24.
- ↑ Seewoosagur Ramgoolam (1982) Our Struggle, 20th century Mauritius
- ↑ Sheard, Sally (2013) The Passionate Economist: How Brian Abel-Smith shaped global health and social welfare Policy Press
- ↑ Lentz, Harris M. (2014) Heads of States and Governments Since 1945 Routledge, p. 547
