Owen Chamberlain
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
  | |
| Biografía | |
|---|---|
| Nacemento | 10 de xullo de 1920 San Francisco, Estados Unidos de América |
| Morte | 28 de febreiro de 2006 (85 anos) Berkeley, Estados Unidos de América |
| Causa da morte | párkinson |
| Lugar de sepultura | Mountain View Cemetery (en)  |
| Educación | Dartmouth College Universidade de Chicago Germantown Friends School (en) |
| Director de tese | Enrico Fermi |
| Actividade | |
| Campo de traballo | Física |
| Ocupación | físico, profesor universitario |
| Empregador | Universidade Harvard Universidade de California, Berkeley |
| Membro de | |
| Participou en | |
| 1939 | Proxecto Manhattan |
| Obra | |
| Doutorando | David D. Clark (en) |
| Familia | |
| Pais | William Edward Chamberlain e Genevieve Lucinda Owen |
| Premios | |
| Descrito pola fonte | Grande Enciclopedia Soviética 1969-1978, (sec:Чемберлен Оуэн) Armenian Soviet Encyclopedia, vol. 8 (en) , (p.712)Physicists: Biographical Dictionary (en) , (p.294) |
  | |
Owen Chamberlain, nado en San Francisco en 1920 e finado en Berkeley (California) o 28 de febreiro+ de 2006, foi un físico e profesor universitario norteamericano galardoado co Premio Nobel de Física no ano 1959, xunto con Emilio Gino Segrè, grazas ao descubrimento do antiprotón, unha das partículas fundamentais.
Traxectoria
[editar | editar a fonte]Naceu o 10 de xullo de 1920 na cidade de San Francisco. Chamberlain estudou física no Dartmouth College onde foi membro da fraternidade Theta Chi, e tamén estudou física na Universidade de California, Berkeley. Estivo na universidade ata que empezou a segunda guerra mundial, uníndose ao Proxecto Manhattan no ano 1942, onde traballará xunto con Emilio Segrè, tanto en Berkeley como en Los Alamos (Novo México). En 1943 casou con Beatrice Babette Copper, con quen terá catro fillos.
En 1946, tras a guerra, Chamberlain continuou co seu doutoramento, traballando na Universidade de Chicago, onde Enrico Fermi faralle de guía e mentor, animándoo a que deixe de banda a física teórica, naqueles momentos máis prestixiosa, e que se entrégue á física experimental, para a cal demostraba ter boas calidades. Chamberlain recibirá o seu doutoramento de investigación na Universidade de Chicago no ano 1929.
En 1985 diagnosticóuselle a enfermidade de Parkinson e retirouse do ensino en 1989. Finou por problemas relacionados coa súa enfermidade, á idade de 85 anos.
Investigacións científicas
[editar | editar a fonte]En 1948, xa acabados os seus traballos experimentais, Chamberlain volveu a Berkeley como membro da facultade ( será profesor de física en 1958), onde Emilio Gino Segrè e outros físicos estaban levando a cabo investigacións sobre o protón. No ano 1955 unha serie de experimentos con protóns conduceos ao descubrimento do antiprotón, a antipartícula do protón, unha partícula exactamente igual ao protón, exceptuando que ten carga negativa no canto de tela positiva. Os traballos posteriores de investigación de Chamberlain inclúen a cámara de proxección temporal, e o seu traballo no acelerador liñal de Stanford (SLAC, Stanford Linear Accelerator Center).
No ano 1959 foi galardoado, xunto con Emilio Gino Segrè, co Premio Nobel de Física polo descubrimento do antiprotón.
Chamberlain foi politicamente activo en temas relacionados coa paz e a xustiza social, e manifestouse en contra da Guerra do Vietnam. Foi membro influente de Scientists for Sakharov, Orlov and Shcharansky, tres físicos da Unión Soviética que foron encarcerados polas súas ideas políticas. Na década dos anos 1980 axudou a crear o movemento para a non proliferación de armas nucleares.
Véxase tamén
[editar | editar a fonte] |
Wikimedia Commons ten máis contidos multimedia na categoría: Owen Chamberlain  |
Ligazóns externas
[editar | editar a fonte]- Páxina do Instituto Nobel, Premio Nobel de Física 1959 (en inglés)
- Pequena biografía de Chamberlain (en inglés)
- Nova da súa defunción no New York Times (en inglés)
