Michael Gambon

Sir
Michael Gambon

Nome orixinal	(en) Michael John Gambon
Biografía
Nacemento	19 de outubro de 1940 Dublín, Irlanda
Morte	27 de setembro de 2023 (82 anos) Witham, Reino Unido (pt)
Causa da morte	pneumonía
Educación	Royal Academy of Dramatic Art St Aloysius RC College (en)
Actividade
Campo de traballo	Actuación
Ocupación	actor de teatro (1962–2023), actor de dobraxe, actor de televisión, actor de cinema, actor
Período de actividade	1962 - 2019
Xénero artístico	Comedia shakespeariana
Obra
Obras destacables (1986-1986) The Singing Detective (pt) (1992-1993) Maigret (en) (2001-2011) Harry Potter
Familia
Cónxuxe	Anne Miller (1962–2002), divorcio
Premios
(2017)  IFTA (pt) (2012)  British Independent Film Award – The Richard Harris Award (en) (2010)  Evening Standard Theatre Awards (en) (1998)  Knight Bachelor (1995)  Evening Standard Theatre Awards (en) , premiado polo traballo Volpone (en) (1990)  Comandante da Orde do Imperio Británico (1990)  Premio Laurence Olivier, premiado polo traballo Man of the Moment (1989)  Sitges Film Festival Best Actor award (en) , premiado polo traballo The Cook, the Thief, His Wife & Her Lover (pt) (1987)  Premio Laurence Olivier, premiado polo traballo A View from the Bridge (pt) (1987)  Evening Standard Theatre Awards (en) , premiado polo traballo A View from the Bridge (pt) (1986)  Premio Laurence Olivier, premiado polo traballo A Chorus of Disapproval
Sinatura
Descrito pola fonte	Obálky knih,

Sir Michael John Gambon, OBE, nado en Dublín, Irlanda, o 19 de outubro de 1940 e finado en Witham o 27 de setembro de 2023, foi un actor británico de orixe irlandesa^[1] que traballou no teatro, televisión e no cine. É un actor moi respectado e prolífico no teatro, pero é recoñecido internacionalmente polo seu papel como Philip Marlow da serie de televisión da BBC, The Singing Detective e por encarnar a Albus Dumbledore nos filmes de Harry Potter, en substitución do xa falecido actor Richard Harris.

Gañador de catro premios BAFTA e tres premios Laurence Olivier e nomeado tamén ós Globos de Ouro, ós Emmy e ós Premios Tony. A súa carreira abrangue case 5 décadas e inclúe unha gran variedade de papeis de teatro, televisión e cine.

En 1998, a raíña Sabela II nomeouno coa Orde do Imperio Británico. En 2020, apareceu no posto 28 da lista de mellores actores irlandeses segundo The Irish Times.^[2]

Gambon naceu o 19 de outubro de 1940^[3] en Cabra, un suburbio ó norte de Dublín, durante a segunda guerra mundial.^[4] O seu pai, Edward Gambon, un enxeñeiro,^[5] decidiu procurar traballo na reconstrución de Londres, e así Gambon e a súa nai, Mary Gambon (Hoare de solteira), unha costureira, trasladáronse a Mornington Crescent, ó norte de Londres, cando Gambon tiña só 5 anos.

Adquiriu a Cidadanía Británica por orde do seu pai e recibiu unha estrita educación católica.^[6] Anos máis tarde asistiu a unha escola de Kent, antes de deixar os estudos ós 15 anos.^[7] Gañou unha bolsa con Vickers Armstrong para ser enxeñeiro e así seguir as pegadas do seu pai. O tempo dedicado foi até os dezasete anos, mais logrou ser un enxeñeiro plenamente cualificado, aínda que só mantivo o posto de traballo dous anos, xa que se sentía atraído pola interpretación.

Á idade de dezanove anos graduouse na Royal Academy of Dramatic Art (RADA), en Londres e máis tarde incorporouse á compañía de teatro de Kings Cross. Cinco anos máis tarde, escribiu unha carta a Michael MacLiammoir, o empresario irlandés do Gate Theatre, en Dublín, para facer alí as súas primeiras representacións.

Fixo o seu debut profesional en 1962, con Otelo (a súa obra predilecta), comezando despois unha xira por Europa. Un ano máis tarde, fixo o seu primeiro papel protagonista en Ricardo III. Sir Laurence Olivier, tras asistir á representación de Ricardo III, ofreceulle a oportunidade de ser un dos oito membros fundadores do novo Royal National Theatre, en Londres, coñecido entón como Olivier Theatre.

Gambon foi contratado para tomar parte en diversas producións. A máis coñecida e premiada foi Hamlet, dirixida por Olivier e protagonizada por Peter O´Toole. Permaneceu durante catro anos como secundario e protagonista en moitas producións de teatro, algunhas delas coa colaboración de grandes directores como William Gakill e John Dexter. Durante eses anos fixo numerosos papeis en obras do director Alan Ayckbourn.

Está considerado como un dos mellores actores do teatro británico aínda que tamén é un prolífico actor de cine e televisión. A causa do falecemento de Richard Harris no 2002, Michael Gambon foi convocado para encarnar ó mago Albus Dumbledore a pesar de que recoñeceu que non lera ningún dos libros da saga e que só tiña en conta os guións para a súa interpretación, xa que: "Non quería ser como eses actores que se queixan porque as súas escenas son máis curtas que na historia orixinal":

Gambon tamén compuxo ó director de Hogwarts cun leve acento irlandés que tanto el como o realizador consideran un tributo ó seu antecesor, que era orixinario de Irlanda.

Wikimedia Commons ten máis contidos multimedia na categoría:  Michael Gambon

• Biografía en Talktalk.co.uk (en inglés)