Gran Premio do Reino Unido de 1951

Gran Premio do Reino Unido de 1951

Nome oficial	IV RAC British Grand Prix
Tipo	Gran Premio do Reino Unido
Deporte	automobilismo
Parte de	Campionato Mundial de Fórmula 1 de 1951
Distancia do evento	90
Localización  e  Datas
Localización	Circuíto de Silverstone (Silverstone) 52°04′30″N 1°01′00″O / 52.075, -1.0167
Lonxitude	5,891 km
País	Reino Unido
Data	14 de xullo de 1951
Competición
Primeiro posto	José Froilán González
Pole position	José Froilán González
Volta máis rápida	Nino Farina

O Gran Premio do Reino Unido de 1951 foi unha carreira de automobilismo de Fórmula Un, celebrada o 14 de xullo de 1951 no circuíto de Silverstone, Silverstone, Inglaterra. Foi a quinta carreira da tempada de Fórmula Un de 1951. A carreira, disputada sobre 90 voltas foi a primeira vitoria de José Froilán González, e tamén a primeira de moitas para o equipo Ferrari. Tanto o equipo como o piloto tamén lograron a súa primeira pole position durante a fin de semana. Juan Manuel Fangio terminou segundo nun Alfa Romeo e Luigi Villoresi terceiro en Ferrari.

José Froilán González foi un segundo máis rápido que Juan Manuel Fangio na clasificación, logrando a primeira pole position da súa carreira. Tamén foi a primeira pole position para o equipo Ferrari, e a primeira no Campionato do Mundo (con exclusión das carreiras das 500 Millas de Indianápolis), non marcada por un Alfa Romeo. Nino Farina e Alberto Ascari cualificaron en terceira e cuarta posición, completando a primeira fila. González e Fangio saíron disparados case en paralelo desde a primeira fila da grella, seguidos de cerca polos outros Alfa Romeo e Ferraris. O piloto de Alfa Romeo Felice Bonetto, que saíu na sétima posición, foi o primeiro home na primeira curva, co Ferrari de González en segunda posición. González tomou o liderado de Bonetto na segunda volta, seguido de Fangio. Os BRM de Reg Parnell e Peter Walker foron en persecución dos líderes. O equipo chegara no último minuto, e non participara nas practicas, nin sequera clasificou para a súa primeira carreira, saíndo nas posicións 19 e 20. Na volta 6, Fangio comezou a achegarse a González, ó que lle pasou na recta na volta 10, e aos poucos comezou a afastarse. O Maserati de John James converteuse no primeiro retirado da carreira na volta 23 cun problema no radiador, pero pronto se lles uniron Luís Quirón, compañeiro de equipo en Maseratti, o Ferrari de Alberto Ascari e Farina. Farina detívose na curva da Abadía logo de 75 voltas co embrague patinándolle e o seu motor en chamas. Farina estabelecera a volta rápida na volta 38, cun tempo de 1 minuto 44 segundos, cunha velocidade media de 99´99 quilómetros por hora, asegurando un punto esa fin de semana. González volveu tomar a dianteira na volta 39 cun adiantamento na curva Becketts. Mantivo a súa vantaxe durante o resto da carreira (con exclusión dunha volta, cando entrou en boxes xusto antes de que o fixera Fangio). Os pilotos de BRM Parnell e Walker seguían correndo, a pesar de que estaban sufrindo queimaduras nas mans e nos pés, finalmente, acabarían quinto e sétimo respectivamente. González logrou a súa primeira vitoria e a de Ferrari nunha carreira do Campionato do Mundo por 51 segundos. Foi a primeira carreira do Campionato Mundial (con exclusión da Indy 500), que non foi gañado por un Alfa Romeo. Con todo un Alfa aínda estaba en segundo lugar, o de Fangio, campión ao final da tempada. Luigi Villoresi levou ao segundo Ferrari ao podio despois de terminar en terceiro lugar, dúas voltas atrás. Bonetto e Parnell foron os outros dous anotadores de puntos na carreira, acabando en cuarta e quinta posición respectivamente. Ao final resultou que, González competira cun chasis e un motor máis vello que os dos seus compañeiros de equipo, Villoresi e Ascari.^[1]

Pos	Nº	Piloto	Construtor	Tempo	Diferenza
1	12	José Froilán González	Ferrari	1:43.4	–
2	2	Juan Manuel Fangio	Alfa Romeo	1:44.4	+ 1.0
3	1	Nino Farina	Alfa Romeo	1:45.0	+ 1.6
4	11	Alberto Ascari	Ferrari	1:45.4	+ 2.0
5	10	Luigi Villoresi	Ferrari	1:45.8	+ 2.4
6	3	Consalvo Sanesi	Alfa Romeo	1:50.2	+ 6.8
7	4	Felice Bonetto	Alfa Romeo	1:52.0	+ 8.6
8	14	Peter Whitehead	Ferrari	1:54.6	+ 11.2
9	22	Louis Rosier	Talbot-Lago-Talbot	1:56.0	+ 12.6
10	8	Bob Gerard	ERA	1:57.0	+ 13.6
11	18	Duncan Hamilton	Talbot-Lago-Talbot	1:57.2	+ 13.8
12	9	Brian Shawe-Taylor	ERA	1:58.2	+ 14.8
13	23	Louis Chiron	Talbot-Lago-Talbot	2:00.2	+ 16.8
14	25	Johnny Claes	Talbot-Lago-Talbot	2:05.8	+ 22.4
15	15	David Murray	Maserati	2:06.0	+ 22.6
16	17	Philip Fotheringham-Parker	Maserati	2:13.2	+ 29.8
17	16	John James	Maserati	2:17.0	+ 33.6
18	23	Joe Kelly	Alta	2:18.4	+ 35.0
19	7	Peter Walker	BRM	Sen tempo	–
20	6	Reg Parnell	BRM	Sen tempo	–

Pos	Nº	Piloto	Construtor	Voltas	Tempo/retirada	Grella	Puntos
1	12	José Froilán González	Ferrari	90	2:42:18.2	1	8
2	2	Juan Manuel Fangio	Alfa Romeo	90	+51.0	2	6
3	10	Luigi Villoresi	Ferrari	88	+2 voltas	5	4
4	4	Felice Bonetto	Alfa Romeo	87	+3 voltas	7	3
5	6	Reg Parnell	BRM	85	+5 voltas	20	2
6	3	Consalvo Sanesi	Alfa Romeo	84	+6 voltas	6
7	7	Peter Walker	BRM	84	+6 voltas	19
8	9	Brian Shawe-Taylor	ERA	84	+6 voltas	12
9	14	Peter Whitehead	Ferrari	83	+7 voltas	8
10	22	Louis Rosier	Talbot-Lago-Talbot	83	+7 voltas	9
11	8	Bob Gerard	ERA	82	+8 voltas	10
12	18	Duncan Hamilton	Talbot-Lago-Talbot	81	+9 voltas	11
13	25	Johnny Claes	Talbot-Lago-Talbot	80	+10 voltas	14
Ret	1	Nino Farina	Alfa Romeo	75	Embrague	3	1
NC	23	Joe Kelly	Alta	75	Non clasificado	18
Ret	11	Alberto Ascari	Ferrari	56	Caixa de cambios	4
Ret	17	Philip Fotheringham-Parker	Maserati	46	Fuga de aceite	16
Ret	15	David Murray	Maserati	45	Motor	15
Ret	23	Louis Chiron	Talbot-Lago-Talbot	41	Freos	13
Ret	16	John James	Maserati	23	Radiador	17

	Pos	Piloto	Puntos
	1	Juan Manuel Fangio	21
	2	Nino Farina	15
2	3	Luigi Villoresi	12
5	4	José Froilán González	11
2	5	Lee Wallard	9

• Nota: Só están incluídos os cinco primeiros postos en ambos os grupos de clasificación. Só os catro mellores resultados contan para o campionato.

A menos que se indique o contrario, todos os resultados da carreira tómanse de "The Official Formula 1 website". Consultado o 2007-06-05. 

Wikimedia Commons ten máis contidos multimedia na categoría:  Gran Premio do Reino Unido de 1951