Dersu Uzala (filme de 1975)

Dersu Uzala
Ficha técnica
Título orixinal	Дерсу Узала
Director	Akira Kurosawa
Produtor	Yoichi Matsue Nikolai Sizov
Guión	Akira Kurosawa Yuri Nagibin
Baseado en	Dersu Uzala de Vladimir Arsenyev
Intérpretes	Maxim Munzuk Yury Solomin
Música	Isaak Shvarts
Fotografía	Asakazu Nakai Yuri Gantman Fyodor Dobronravov
Montaxe	Valentina Stepanova
Estudio	Daiei Film Mosfilm
Distribuidora	Mosfilm (USSR) Daiei Film (Xapón)
Estrea	xullo de 1975 2 de agosto de 1975
Duración	144 minutos
Orixe	Unión Soviética Xapón
Xénero	Aventuras
Orzamento	4 millóns de dólares (estimado)
Na rede

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Dersu Uzala. O cazador^[1] (en ruso: Дерсу Узала; en xaponés: デルス·ウザーラ, Derusu Uzāra) é un filme soviético-xaponés de 1975 dirixido por Akira Kurosawa. Foi o seu primeiro filme rodado nunha lingua diferente ó xaponés e o único rodado en 70mm.

O filme baséase no libro de memorias de 1923 Dersu Uzala (que toma o seu nome do trampeiro Dersu Uzala) escrito polo explorador ruso Vladimir Arsenyev, e conta a exploración da rexión Sikhote-Alin ó longo de múltiples expedicións a comezos do século XX. Rodado case completamente en escenarios exteriores do arredado leste ruso, o filme conta a historia dun nativo dos bosques que está completamente integrado no seu medio, levando un estilo de vida que será inevitablemente destruído polo avance da civilización. Tamén trata sobre o respecto e a amizade profunda entre dous homes de orixes profundamente diferentes, e sobre a dificultade de afrontar a perda de forza e capacidades que provoca a vellez.

O filme gañou o Óscar de 1976 ó mellor filme en lingua non inglesa,^[2] o Premio de Ouro e o Premio FIPRESCI na 9ª edición do Festival Internacional de Cinema de Moscova^[3] entre outros galardóns. Vendeu arredor de 20,4 millóns de entradas na Unión Soviética e recadou 1,2 millóns de dólares nos Estados Unidos e no Canadá.^[4]

Foi estreado en galego na Televisión de Galicia o 23 de setembro de 2000.^[5]

• Yury Solomin como Vladimir Arsenyev
• Maxim Munzuk como Dersu Uzala
• Vladimir Kremena como Turtygin
• Alexander Pyatkov como Olenev
• Svetlana Danilchenko como Anna
• Suimenkul Chokmorov como Chzhan Bao

• Filmes da Unión Soviética propostos ó Óscar ó mellor filme internacional
• Filmes propostos ó mellor filme internacional na 48ª edición dos Óscar

• Dersu Uzala na IMDb (en inglés).
• Ficha en AllMovie (en inglés)