Deep Purple

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2020.)

Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes.

Deep Purple
Deep Purple "Mark VIII"
Orixe	Londres, Inglaterra
Período	1968 - 1976 1984 - presente
Xénero(s)	hard rock, heavy metal, blues-rock, rock progresivo
Selo(s) discográfico(s)	EMI Edel
Membros	Ian Gillan Steve Morse Roger Glover Don Airey Ian Paice
Na rede
www.deeppurple.org

Deep Purple é un grupo de rock inglés xurdido en Hertfordshire en 1968. Está considerado un dos pioneiros do heavy metal e do hard rock moderno, aínda que o seu estilo musical ten variado cos anos.

Nos seus primeiros tempos integrábano músicos de rhythm and blues como John Lord, Nicky Simper ou o solista Rod Evans, un guitarrista tan duro como Ritchie Blackmore, e un batería tan caracterizado, enerxético e repetitivo coma Ian Paice. Os seus primeiros temas son versións e dan lugar a unha primeira época onde Lord imprime un carácter sintético entre o blues, o rock sinfónico máis denso e algunhas resonancias tomadas de The Beatles, con álbums como Book of Taliesyn e o que leva o nome do grupo e sérvelles de tarxeta de presentación. O teclista Jon Lord sendo un fanático da música clásica compón en 1970 o Concerto for Group and Orquestra en colaboración có trompetista e compositor británico Malcolm Arnold). Peza que o grupo grava ese mesmo ano no Royal Albert Hall de Londres coa colaboración da Real Orquestra Filharmónica de Inglaterra.

A segunda época, que arranca de 1970, relacionará ós incorporados Ian Gillan (voz) e Roger Glover (produción e baixo), que tomarían partido pola liña propugnada por Blackmore: In Rock (1970) será unha contundente mostra desta etapa, á que seguiron Fireball (1971), Machine Head (1972) e o mítico dobre Made in Japan (1972), que define o seu retrato máis difundido e aceptado, pero á custa de prexudicar o futuro da banda, xa que sendo un dos grupos que máis discos en directo sacaron, todos estes se basean nas mesmas 7 cancións.

O disco single Smoke On The Water está considerado un clásico no seu xénero polo seu atronador arranxo e a súa repetitiva liña guitarrística.

A banda disgrégase en 1973 coa marcha de Gillan que é substituído por David Coverdale, e a saída de Roger Glover que cambia o seu posto con Glen Hughes. Finalmente en 1975 gravan o Made in Europe durante a última xira do grupo por Europa, nesa época Ritchie Blackmore xa formará a súa propia banda (Ritchie Blackmore´s Rainbow).

A mediados dos anos oitenta a banda recomponse en parte xa que os cambios na guitarra (Ritchie Blackmore, Tommy Bolin...) e no cantante (Ian Gillan, David Coverdale...) son constantes.

• Concerto for Group and Orchestra
• Deep Purple In Concert
• Space Vols 1 & 2
• Gemini Suite Live
• Scandinavian Nights (Live & Rare)
• Made in Japan
• Live in Japan
• California Jamming (Live in the California Jam)
• Live in London
• Made in Europe
• The final Concerts
• Days May Come & Days May Go (Rehearsal Tapes)
• Last concert in Japan
• This time around
• On the Wings of a Russian Foxbat
• In the Absence of Pink (Knebworth 85)
• Nobody's Perfect
• Come Hell or High Water
• Live At NEC
• Live in the Olympia
• Total Abandon
• Live in the Royal Albert Hall
• Live at the Rotterdam Ahoy

• www.deeppurple.org
• Foro Internacional de Deep Purple e relativos en castelán