Lexi Belle

Lexi Belle
persoan yn de seksyndustry
Lexi Belle 2019 by Glenn Francis
persoanlike bysûnderheden
oare artyste-        nammen	Nollie, Lexi Williams
echte namme	Jessica Macomber
nasjonaliteit	Amerikaansk
berne	5 augustus 1987
berteplak	Independence (Louisiana)
etnisiteit	Angelsaksysk Amerikaansk
wurkpaad
wurksum as	neakenmodel, pornoaktrise
jierren aktyf	2006 – no
offisjele webside
www.lexibelle.com

Lexi Belle, echte namme: Jessica Macomber (Independence (Louisiana), 5 augustus 1987), is in Amerikaansk neakenmodel en pornografysk aktrise. Hja hat yn it ferline ek wol gebrûk makke fan 'e artystenammen Nollie en Lexi Williams. Neffens har offisjele opjefte is se 1.60 m, mei in gewicht fan 48 kg en kupmaat 32C.

Lexi Belle waard berne yn Independence, yn 'e steat Louisiana, mar groeide op yn McComb, yn 'e oangrinzgjende steat Mississippy. Op 'e middelbere skoalle hearde hja net ta de populêre bern, mar spile ynstee de trombône yn 'e skoalband. Yn 2004, doe't se santjin jier wie, ferfear se mei har âldelju nei Los Angeles, yn 'e steat Kalifornje. Dêr wurke se yn in fideoteek, doe't se hifke waard troch immen dy't har profyl op har MySpace-side sjoen hie, en har rekrutearje woe foar de pornoyndustry.

Sa rekke Belle by de pornoyndustry belutsen, en in fearnsjier letter besocht se foar it earst de set fan in pornografyske film, dêr't se in rûnlieding krige. Yn desimber 2005, doe't se achttjin jier wie, makke se har debút yn in pornofilm, wêrby't se foar it earst orale seks mei in man bedreau. Yn it begjin fan har karriêre makke se fral gebrûk fan 'e skûlnamme Nollie, en wurke se foar de studio Oz Entertainment.

Sûnt hat se, neffens de Internet Adult Film Database (IAFD) yn 463 pornofilms spile, û.m. foar sokke foaroansteande labels as Hustler Video, Pure Play Media, New Sensations, Evil Angel, Adam & Eve, Third Degree Films, Elegant Angel, Vivid Entertainment, Digital Playground, Zero Tolerance, Wicked Pictures, Jules Jordan Video, Red Light District en Diabolic Video. Ek hat se in protte wurke foar pornosites as Brazzers en Kink.com. Dêrmei hat se ûnderwilens al 7 ûnderskate AVN Awards (de Oskars fan 'e pornowrâld) wûn, wylst se suver grossieret yn 'e nominaasjes foar AVN-Awards: 32 mar leafst.

Yn 2011 waard Belle troch de Amerikaanske stjoerder CNBC neamd as ien fan 'e tolve populêrste aktrises út 'e pornoyndustry. Dy bewearing basearre CNBC op 'e withoefolle AVN Awards, Xbiz Awards en oare prizen en nominaasjes dy't se yn 'e wacht sleept hat, en op 'e populariteit fan har webside, LexiBelle.com, dat ien fan 'e grutsten út 'e pornoyndustry is. Behalven foar Amerikaanske labels wurket Belle ek geregeldwei foar Japanske filmstudio's. Njonken har aktearwurk posearret se ek gauris foar neakenblêden; sa stie se yn maaie 2013 yn 'e Penthouse as de Penthouse Pet fan 'e moanne.

Belle is in fegetariër en set har as frijwilliger yn foar bistebeskermingsdoelen. Se hat oanjûn dat se har yn 't bysûnder ynteressearret foar de eland en de snie-ûle. Fierders is se poersljocht mei de science fiction-films út 'e Star Wars-rige, fral mei Attack of the Clones.^[1] Teffens hâldt se fan punkmuzyk en besiket se geregeldwei ferdivedaasjeparken.

Yn fraachpetearen hat se oanjûn dat se foar it earst mei in jonge, har doetiidske freon, op bêd gie op har santjinde jierdei, en dat se doe in stikje plestik as kondoom brûkten.^[2] Op seksueel mêd hâldt hja derfan om froulju te dominearjen, leafst troch middel fan smoarseks.^[3]

• Lingte: 160 cm
• Gewicht: 48 kg
• Maten: 32C-24-33
• Skuonmaat: 38
• Ras: blank
• Eachkleur: grienbrún
• Hierkleur: brún
• Tatoeaazjes: oranje blom tusken har skouderblêden
• Seksuële oriïntaasje: biseksueel

• (in) Offisjele webside fan Lexi Belle
• (in) Lexi Belle har MySpace-side
• (in) Biografy en filmografy fan Lexi Belle yn 'e Internet Movie Database
• (in) Lexi Belle yn 'e Internet Adult Film Database
• (in) Lexi Belle yn 'e Adult Film Database