Buismans Einekoai Piaam en Dyksfearten
| Buismans Einekoai Piaam en Dyksfearten | ||
| ||
| Einekoai Piaam | ||
| lokaasje | ||
| neiste plak | Piaam | |
| oare ynformaasje | ||
| oerflak | 18 ha | |
| stifting | 1963 | |
| behear | It Fryske Gea | |
| webside | It Fryske Gea | |
Buismans Einekoai en stikjes fan de Dyksfeart binne natoergebieten oan de Iselmar by Piaam. Se wurde beheard troch It Fryske Gea. De stikken feart lizze by Piaam, Sotterum, Gaast en Doniabuorren. Ek de Lytse Feart en de Lange Fliet hearre ta de natoerstripen.
De natoergebieten mei in oerflak fan 18 hektare binne wichtich as ekologyske ferbiningssônes. erreineis de einekoai fan Piaam. De stikjes Dyksfeart binne fan de Iselmardyk of te sjen, de einekoai kin op oanfraach besjoen wurde. Benammen wylde ein en merkel sitte yn de reidkragen. Yn it ferline binne troch dongjen in soad planten ferdwûn. De einekoai leit middenyn de lannen en kaam yn 1963 oan It Fryske Gea, as legaat fan Hein Buisman. Foar de ôfsluting fan de Sudersee waarden yn de koai in soad fûgels fong. Hoewol’t der gjin einen mear fongen wurde, wurdt de koai noch fangree hâlden om it Rjocht fan Ofpealling te hâlden, dy regeling garandearret de rêst yn it gebiet deromhinne.
| Boarnen, noaten en/as referinsjes: |
