Anzon
|
Cél articllo est ècrit en arpetan supradialèctâl / ORB lârge. | 
|
L’ortografia ou ben la gramère de cél articllo est a controlar.
| Anzon | |
| |
| Caractèristiques | |
|---|---|
| Longior | 30 km |
| Bachèt | 181 km2 |
| Bachèt colèctior | Lêre |
| Dèbit moyen | 2,59 m3/s (Los Dèbats) |
| Règimo | Ploge & nê |
| Cors | |
| Sôrsa | U nord de la localitât Lo Petit Èrmitâjo |
| · Localisacion | Neitrable |
| · Hôtior | 980 m |
| · Coordonâs | 45° 47′ 11″ B, 3° 44′ 35″ L |
| Bèc | Lignon de Vers-Charmasél |
| · Localisacion | Curvé |
| · Hôtior | 400 m |
| · Coordonâs | 45° 45′ 20″ B, 3° 58′ 01″ L |
| Geografia | |
| Payis travèrsâs |  France
|
| Règions travèrsâyes | ( Arpetania, .svg){kind=small} Occitania) ; ôvèrgne-rôno-ârpes
|
| Sôrses : SANDRE:Sandre, « Fiche cors d’égoua - (----0734000) » | |
changiér  |
|
L'Anzon est na reviére du centro-èst de la France, d'Arpetania et d'Occitania, que cole en règion Ôvèrgne-Rôno-Ârpes, dens lo Forés. O est un afluent du Lignon de Vers-Charmasél en riva gôche, donc un sot-afluent de la Lêre.
Geografie
[changiér | changiér lo tèxto sôrsa]La longior de son cors d'égoua est de 30 km[1]. L'Anzon prend sa sôrsa sur la comena de Nêrtrâblo, dens les montagnes du sêr, dens dèpartement de la Lêre, tot prés du dèpartement du Pué-de-Dôma. Son cors s'oriante d'abôrd vers l'èst pués s'incurve a châ pou vers lo sud-èst. O sè jete dens lo Lignon u vialâjo de vers Curvé sus sa riva gôche.
Localitâts travèrsâyes
[changiér | changiér lo tèxto sôrsa]L'Anzon travèrse ou longe d'amont d'avâl les comenes siuventes :
- Dèpartement de la Lêre : Nêrtrâblo, Sant-Jian-Lavètre, Sent-Priét-Lavètre, Sent-Julien-Lavètre (Lavètre-sus-Anzon), Cham-Poli, Sent-Turin (Lavètre-sus-Anzon), Sent-Dèyér, Âlyô, Sant-Lorent, L’Hopetâr, Sant-Siést, Los Dèbats et Vers-le-Saly.
Principâls afluents
[changiér | changiér lo tèxto sôrsa]L'Anzon at vengt cinq afluents que diéx sont cllassiês :
- lo Rejasset,
- lo Lignon,
- la Vètre,
- les Sâles,
- lo grant rio,
- l'Aubègue,
- lo dègot Cruèsa,
- la gota Bialiére (le Ciboulet en francês),
- lo Dardanet,
- lo dègot de la Sagne
Hidrologia
[changiér | changiér lo tèxto sôrsa]L'Anzon est una reviére prod ben fornia, coma la plepârt des cors d'égoua de moyèna montagne du Livradouès et du Forés. Son dèbit at étâ obsèrvâ durent una pèrioda de 37 ans (1972-2008), vers Los Dèbats, localitât du dèpartement de la Lêre situâye u nivél de son confluent avouéc lo Lignon de Vers-Charmasél[2]. Lo bassin vèrsant de la reviére y est de 181 km², cen que reprèsente la quasi-totalitât de ceti dèrriér.
Lo modulo de la reviére vers Los Dèbats est de 2,59 m3/s.
L'Anzon presente des branlos de la sêson de dèbit ben marcâyes, et son règimo pôt étre divisâ en doves pèriodes. Les hôtes égoues d'hivèrn-printemps ocupont una pèrioda de sèpt mês dèbutant en novembro et sè chavonant en mê. El sè distingue per des dèbits de tôs los mês moyens alent de 2,81 a 4,76 m3/s (avouéc un maximon franc nèt en fevriér, gllètâ en partia a la fonta des nês chesues sur los sonjons du bassin). Les bâsses égoues sè tegnont u chôd-temps, de julyèt a septembro betâ dedens, et sont acompagnês d'una bèsse du dèbit moyen de tôs los mês alent tant qu'u planchiér de 0,785 m3/s u mês d'oût, cen que résta franc consistant por una reviére de ceta talye.
A l'ètiajo, lo VSN3 pôt pas-muens chutar tant que 0,019 m3/s, en câs de pèrioda de cinq ans sèche, sêt 19 litros per seconda, cen que dêt étre adonc considèrâ coment franc sevèro, lo cors d'égoua étent a ceti moment rèduit a quârques felâs.
Les crèssues pôvont étre importantes, caractèristica partagiêe per la plepârt des cors d'égoua de l'èst du massif centrâl (Rhins, Arroux, Azergues, Furans etc). D'ense los QEX 2 et QEX 5 vâlont rèspèctivament 25 et 34 m3/s. Lo QEX 10 est de 40 m3/s, lo QEX 20 de 46 m3/s, tandis que lo QEX 50 sè monte a 50 m3/s.
Lo dèbit enstantanâ maximal encartâ vers Los Dèbats durent la pèrioda d'obsèrvacion, at étâ de 72,3 m3/s lo 14 de fevriér 1990, tandis que la valor jornaliére maximala ére de 41,7 m3/s lo 18 de mârs 1988. En comparant la premiére de cetes valors a l'èchiéla des QEX de la reviére, ceta crèssua ére amplament més importanta que la crua cinquantanala dètèrmenâye per lo QEX 50, ben lèf més que centanala, et dens tôs los câs tot a fêt èxcèptionèla.
L'Anzon est una reviére abondanta, fôrt ben alimentâye per les fôrtes ploges des hôtiors de son bassin. La lama d'égoua ècolâye dens son bassin vèrsant est de 453 milimètros tôs los ans, cen qu'est amplament supèrior a la moyena d'ensemblo de la France tôs bassins confondus (320 milimètros), et de sûr supèrior asse a la moyena du bassin de la Lêre (244 milimètros). Lo dèbit spècifico (ou Qsp) de la reviére est de 14,3 litros per seconda et per kilomètro carrâ de bassin.
Sarvagènes
[changiér | changiér lo tèxto sôrsa]La reviére est poplâ de truéta Fariô, de chabot comon mas asse de chambrots.