Vicente Molina Foix

Vicente Molina Foix
	; (2017) Irudi gehiago
Bizitza
Jaiotza	Elx, 1946ko urriaren 18a (78 urte)
Herrialdea	Espainia
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Jarduerak
Jarduerak	idazlea, eleberrigilea, saiakeragilea, poeta eta film-zuzendaria
	Parte-hartzailea Mirlo, la revista que trina (en) ;
Jasotako sariak	ikusi Espainiako Narratiba Sari Nazionala (2007) ; [[]] (2008) : El abrecartas (en) ;

Vicente Molina Foix (Elx, Valentzia, 1946ko urriaren 18a) gaztelania idazlea eta zinemagilea da.

Bizitza

Zuzenbidea eta Letrak ikasi zituen Madrilgo Unibertsitatean. 68ko belaunaldia delakoaren kide da. Molinaren lana barnekoia da beti, eta amets surrealisten paisaietan barrena aritzen da.

Idatzi dituen eleberrien artean, aipatzekoak ditu: Museo provincial de los horrores (1970, Izugarrikerien Probintzia Museoa), Busto (1973), La comunión de los atletas (1979, Atleten komunioa), Los padres viudos (1983, Guraso alargunak), La quincena soviética (1988, Hamabostaldi sobietarra), La edad de oro (1993, Urrezko aldia), La misa de Baroja (1995, Barojaren meza) eta La mujer sin cabeza (1997, Bururik gabeko emakumea).

Los abrazos del pulpo (1985, Olagarroaren besarkadak) eta Don Juan último (1994, Don Juan azkena) dramak ere idatzi ditu. Operako libreto bat ere idatzi du, El viajero indiscreto (1990, Bidaiari lotsagabea), Luis de Pablos musikagilearentzat.

1990ean, Los espías del realista poesia-liburua idatzi zuen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Gaztelaniaz) El Boomerang, Vicente Molina Foixen bloga

Datuak: Q3754353
Multimedia: Vicente Molina Foix / Q3754353