Suabiako Jura

Suabiako Jura
Datu orokorrak
Mendirik altuena	Lemberg
Garaiera	1.015 m
Mota	erdi-mailako mendi eta mendikate
Luzera	220 km
Zabalera	70 km
Geografia
Koordenatuak	48°18′N 9°21′E / 48.3°N 9.35°E / 48.3; 9.35
Honen parte da	Alpetar gerrikoa
Geologia
Material nagusia	kareharri
Garaia	Jurasiko

Suabiako Jura^[1] (alemanez: Schwäbische Alb edo Schwäbischer Jura) Alemania hego-mendebaldean dagoen altuera ertaineko mendilerro bat da. Suitzako Schaffhausen kantoitik diagonalki hedatzen da Alemaniako Baden-Württemberg estatuan zehar Bavariako mugaraino, Ulmetik ipar-ekialdera. Geologikoki, Jura mendilerroaren zati da, hego-mendebalderantz Suitzako Jurarekin eta ipar-ekialdera Frankoniako Jurarekin jarraitzen duena.

Antzinako mendiak, higaduraren ondorioz txikituak izan dira, eta, gaur egun, 800 eta 1000 metro arteko altueran aurkitzen diren goi ordokiak dira.

Zenbait ibaik zeharkatzen dute Suabiako Jura haran sakonak sortuz. Horietatik garrantzitsuena, eta Europako bigarren ibairik luzeena, Danubio da, bere goiko zatian (Oberedonau), konifero basoez estalitako ia bertikalak diren hormak alboetan dituen haran estu bat irekitzen duena. Neckar ibaiak, Rhin ibaiaren ibaiadarra dena, Jura zeharkatzen du bere iturburutik hasi eta Tübingen hiriraino, non muinoek lautadari tokia uzten dioten.

Suabiako Jurako klima, atlantikoa da, negu hotz eta uda epelekin. Euria, urte osoan zehar banatzen da, tokiren batzuetan, metro karratuko 2000 milimetrora iristen da eta ohikoak dira elurteak azarotik apirileraino. Uda, laburra eta epela da, oso gutxitan egoten da 25 °C baino gehiagoko tenperaturarik. Landaretzarik ohikoena koniferoak dira, eta, haran hondoetan, hosto erorkorreko zuhaitzen basoak (pagoak eta haritzak) eta abereentzako larreak.

Giza presentzia Suabiako Juran oso bizia da. Herri garrantzitsuak, honako hauek dira:

• Albstadt
• Bad Urach
• Engstingen
• Gammertingen
• Münsingen
• Heidenheim
• Sigmaringen
• Göppingen
• Hechingen
• Reutlingen
• Rottweil
• Tubinga
• Ulm
• Balingen
• Blaubeuren

• Hohenzollern gaztelua
• Lichtenstein gaztelua
• Singmaringeneko gaztelua
• Hohenneuffen gaztelua
• Hohenstaufen gaztelua (hondakinetan)
• Hellenstein gaztelua
• Teck gaztelua (hondakinetan)
• Hohenrechberg gaztelua (hondakinetan)

• Zwiefalten abadia
• Beuron abadia

• Blauhöhle
• Bärenhöhle (hartzen leize-zuloa)
• Nebelhöhle (lainoaren leize-zuloa)