Pteridofito

Pteridofito iratzeak, azeri-buztana, ekisetoak, likopodidoak eta antzeko landare baskular eta kriptogramak hartzen dituen landareen erreinuko dibisioko landarea da(Pteridophyta dibisioa). Benetako zurtoina, hostoak eta sustraiak ditu, eta isurkariak bideratzeko hodi-sistema. Pteridofitoak lurralde askotan izaten dira, tropiko aldean batez ere, leku hezeetan. Gaur egun espezie asko desagertu dira. Landare pteridofitoak bi aldi izaten ditu, batean (fase haploidea) gametoak dituen landarea da (gametofitoa) eta hurrengoan (fase diploidea) esporak dituena (esporofitoa), eta ez dute hazirik sortzen.