Kinu Nishimura
| Kinu Nishimura | |
|---|---|
| Bizitza | |
| Jaiotza | Hyōgo, 1969ko urriaren 5a (55 urte) |
| Herrialdea |  Japonia |
| Lehen hizkuntza | japoniera |
| Hezkuntza | |
| Heziketa | Kyoto College of Art (en)  |
| Hizkuntzak | japoniera |
| Jarduerak | |
| Jarduerak | ilustratzailea eta telebista-ekoizlea |
| Enplegatzailea(k) | Capcom |
   | |
Kinu Nishimura, japonieraz 西村 キヌ (Hyōgo prefektura, Japonia, 1969ko urriaren 5a) japoniar bideo-jokoen artista kontzeptuala, ilustratzailea eta animea da. Freelance, bereziki ezaguna 1990eko hamarkadan egin zituen Capcom-en borroka-jokoetarako pertsonaien diseinuagatik eta promozio-arteagatik.[1]
Biografia
[aldatu | aldatu iturburu kodea]Nishimura, normalean erabiltzen duen izengoitia, amonaren izena da.[2] Bigarren hezkuntzako lehen urtean, Tomonori Kogawa animatzaileari Combat Mecha Xabungle telesaileko irudiekin laguntzeko aukera izan zuen.[3] Kiotoko Unibertsitatean Artea eta Diseinua espezialitatea ikasi zuen. Denbora horretan, Akira Yasudak Final Fight eta Magic Sword bideojokoetarako egindako irudiak ukitu zituen. Manga delakoa, artea eta irudi tradizionalenak gustatzen zitzaizkionez, eremu horretan lana bilatzen saiatu zen. Hala ere, ez zekien ezer pertsonaiak diseinatzeko lanaz eta bideojokoez. Garai hartan, haren nahiak manga animatzailea, ilustratzailea edo antzeko zerbait izatea zen.[4][5]
Ibilbide profesionala
[aldatu | aldatu iturburu kodea]Lehen lana Muscle Bomber proiektuko laguntzaile izan zen.[5] 1991 eta 2008 bitartean, Capcom-erako lan egin zuen. Konpainia horretako lehen artistetako bat da Photoshop-ekin ilustratzen. Bere artea eboluzionatuz joan da urteetan zehar, sprite edo pixel art artista gisa hasi zen, eta gero jolasetan eta portadetan agertzen diren ilustrazioetaraino heldu da. Fighting games garrantzitsuenen munduari egindako ekarpenetako bat Darkstalkers Resurrection-en lan egin zuen garaian izan zen. Han, pertsonaia guztien diseinu kontzeptualean lan egiteaz gain, portaden konposizioaz eta azken arteaz ere arduratu zen.[6][4]
90eko hamarkadaren amaieran hasi zen ilustratzaile gisa aintzatespen handiagoa lortzen. Eta hainbat alorretako proiektuetan parte hartzen hasi zen. 2009 eta 2014 bitartean, animazioko pertsonaietako batzuk eta haien jantziak diseinatzen aritu zen, hala nola Overman King Gainer, Overlord eta Sirius the Jaeger.[6][5] 2021ean, freelance edo langile autonomo gisa, bideojokoei trazu bikainak egiten jarraitu zuen.[7]
Ilustrazioen ezaugarriak
[aldatu | aldatu iturburu kodea]Bere marrazki-estiloa aldatuz joan da denborak aurrera egin ahala, baina bere nortasun-ezaugarri nagusiak alde batera utzi gabe, hala nola, pertsonaia maskulinoen beheko gorputz-adarren gehiegizko proportzioa edo aurpegien ezaugarriak irudikatzeko gogortasun txikia.[8][6] Horietan kolorea nabarmentzen da. Kinu Nishimurak kolore adierazgarria erabiltzen du, eta akuarela edo errotuladoreak gogorarazten ditu. Itzalak eta argiztapena oso garrantzitsuak dira irudietan.[3] Versus serieetan eta Street Fighter III.ean ikus daiteke, bereziki, bere artea.[9][2] Hainbat arte-liburu ditu, eta bideojoko-enpresa askoren gidetan eta eskuliburuetan parte hartzen du.[5]
Diseinuaren teknika gisa konposizioan izandako bilakaerak erreferente bihurtu zuen belaunaldi berrientzat.[5][10] Oso txalotua eta ezaguna da, bai Japonian bai kanpoan.[11][6][12]
Erreferentziak
[aldatu | aldatu iturburu kodea]- ↑ Gamerauntsia. «Emakumeak bideojokogintzan: gure jokorik gogokoenak eratu dituzten sortzaileak» gamerauntsia.eus (Noiz kontsultatua: 2023-03-08).
- ↑ a b Arte Promocional de Street Fighter II. .
- ↑ a b «Kinu Nishimura» Ounomachi 2011-03-31.
- ↑ a b «Entrevista a Diseñadora de Capcom – Kinu Nishimura» punchkickthrowblog 2018-02-06.
- ↑ a b c d e «Kinu Nishimura: La vanguardia conceptual detrás de CAPCOM» Cevagraf Cómics 2020-05-21.
- ↑ a b c d «El Arte de Street Fighter por Kinu Nishimura» MeriStation 2017-05-15.
- ↑ Quatermain -, por A.. (2021-07-13). «Darkstalkers celebra sus 27 años con arte de Kinu Nishimura» Universo Nintendo.
- ↑ ¡Tenemos que hablar de Kinu Nishimura!. .
- ↑ «46 ideas de Kinu Nishimura | diseño de personajes, personajes de street fighter, street fighter» Pinterest.
- ↑ MB, Frankie. (2019-03-09). «13 mujeres que han marcado la diferencia en los videojuegos» Vidaextra.
- ↑ «40 Mujeres que hicieron y hacen historia» Oh Magazine 2021-03-20.
- ↑ «40 Mujeres que hicieron y hacen historia» Oh Magazine 2021-03-20.
