Josu Jon Imaz

Josu Jon Imaz
(2014) Irudi gehiago
EAJren EBBko lehendakaria 2004 - 2008 ← Xabier Arzalluz - Iñigo Urkullu Renteria → Diputatua Eusko Legebiltzarrean 2001eko ekainaren 8a - 2001eko irailaren 25a Barrutia: Gipuzkoa Hautetsia: Eusko Legebiltzarreko VII. legealdia Europarlamentaria 1994ko uztailaren 19a - 1999ko urtarrilaren 5a Barrutia: Espainia Hautetsia: 1994 European Parliament election (en) Zumarragako alkateorde 1991 - 1995 Hautetsia: 1991ko Espainiako udal hauteskundeak
Bizitza
Jaiotza	Zumarraga, 1963ko irailaren 6a (61 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea doktoretza : kimika Deustuko Unibertsitatea
Hizkuntzak	gaztelania
Jarduerak
Jarduerak	kimikaria eta politikaria
Parte-hartzailea World Economic Forum Annual Meeting 2016 (en) World Economic Forum Annual Meeting 2017 (en) World Economic Forum Annual Meeting 2018 (en) World Economic Forum Annual Meeting 2019 (en) World Economic Forum Annual Meeting 2022 (en) World Economic Forum Annual Meeting 2020 (en)
Lantokia(k)	Estrasburgo eta Brusela
Enplegatzailea(k)	Petronor Repsol Naturgy
Jasotako sariak	ikusi Sant Jordiren gurutzea  (2006)
Sinesmenak eta ideologia
Erlijioa	katolizismoa
Alderdi politikoa	Eusko Alderdi Jeltzalea

Josu Jon Imaz San Miguel^[1] Zumarragan (Gipuzkoa) jaio zen 1963ko irailaren 6an. Euskal politikari ohia, EAJren presidente izan zen 2004tik 2007ra. 2008ko uztailetik Petronor euskal enpresa petrogilearen presidentea da. Gainera, 2014ko maiatzetik Repsoleko kontseilari ordezkaria da.

Kimika Zientzietan doktorea, Euskal Herriko Unibertsitatean. Karrera Bukaerako Sari Berezia eman zioten eta polimeroetan espezializatua. Enpresen Zuzendaritza Orokorrean trebakuntza, 89-90 ikasturtean, Ikasbide-Grupo Cooperativo Mondragóneko Zuzendaritza Nagusiko Trebakuntza Planaren barruan. Doktoretza tesia Bilboko Industri Ingeniarien Goi Eskolan egin zuen, 1994an.

1986ko abenduan INASMET Teknologia Zentroak Nanteseko CETIM Zentrora bidali zuen, Industria eta Energia Ministerioaren bekarekin, ikertzaileak atzerrian trebatzeko programaren barruan.

INASMETeko Konposite eta Polimero Arloko arduraduna izan zen 1987-1989 denboraldian eta Marketing eta Kanpo Harreman Saileko arduraduna izan zen 1991-1994ko denboraldian. Ezkonduta dago, hiru seme-alaba ditu eta Donostian bizi da. 2008tik Petronor enpresaren presidente da.

1994ko ekainean eurodiputatu hautatua izan zen Europako Legebiltzarreko hauteskundeetan. Hala jardun zuen harik eta 1999ko urtarrilaren 7an Eusko Jaurlaritzako Industria, Merkataritza eta Turismo sailburu eta Eusko Jaurlaritzako bozeramaile izendatu zuten arte. 2001eko uztailaren 17an Gobernu Kontseiluak egin zuen batzarrean erabaki zen Eusko Jaurlaritzako Industria, Merkataritza eta Turismo sailburu eta bozeramaile izaten jarraitzea. Hala aritu zen 2004ko urtarrilaren 13ra arte.

Azkenik, Euzko Alderdi Jeltzalearen 2004ko urtarrilaren 17 eta 18ko Batzar Orokorrean, Euzkadi Buru Batzarreko lehendakari hautatu zuten, Xabier Arzalluzen ondorengo izendatuz.^[2]

• EAJ-PNVren kide 1978an.
• Urretxu-Zumarragako EGIko lehendakaria (1979-1982).
• EGIren Gipuzkoako Eskualde Kontseiluko kide (1980-1986).
• EGIren Kontseilu Nazionaleko kide (1981-1986).
• Urretxu-Zumarragako EAJ-PNVren Uri Buru Batzarraren kide (1979-1982).
• EAJ-PNVren Batzar Nazionaleko ordezkari:
  • 1983-1985
  • 1986-1988
  • 1992-1994
• GBBren kide (1988-1990).
• Zumarragako alkateordea eta Ogasun eta Garapeneko zinegotzia (1991-1995).
• Eusko Legebiltzarrako diputatu (1994-1999).
  • Aurrekontu, Industria eta Gai Ekonomiko eta Arrantza Batzordeko kide.
  • Moneta Azpibatzordeko lehendakariordea.
• Eusko Jaurlaritzaren Industria, Merkataritza eta Turismo sailburua eta bozeramailea (1999-2001).
• Eusko Legebiltzarraren kidea Gipuzkoatik (2001).
• Eusko Jaurlaritzaren Industria, Merkataritza eta Turismo sailburua eta bozeramailea (2001-2003).
• EAJ-PNVren EBBren lehendakaria (2004-2007).

2007ko irailaren 12an, Imazek politika utziko zuela adierazi zuen hainbat hedabideri helarazitako gutun baten bidez. EAJ alderdiaren presidentzian, Iñigo Urkulluk hartu zion lekukoa.

Aurrekoa Xabier Arzalluz	EBBko presidentea 2004ko urtarrilaren 18a - 2008ko urtarrilaren 18a	Ondorengoa Iñigo Urkullu
Aurrekoa Mari Karmen Garmendia	Eusko Jaurlaritzako bozeramailea 1999 – 2004	Ondorengoa Miren Azkarate
Aurrekoa Javier Retegi (Industria) Rosa Diez (Merkat. eta Turism.)	Eusko Jaurlaritzako Industria, Merkataritza eta Turismo Sailburua 1999-2001	Ondorengoa Ana Agirre

	Eusko Jaurlaritza (1999-2001)
Juan Jose Ibarretxe (Lehendakaritza) Idoia Zenarruzabeitia (Lehendakariordetza eta Ogasun eta Herri Administrazioa) • Inaxio Oliveri (Hezkuntza, Unibertsitate eta Ikerketa) • Javier Balza (Herrizaingoa) • Josu Jon Imaz (Industria, Merkataritza eta Turismoa) • Sabin Intxaurraga (Justizia, Lan eta Gizarte Segurantza) • Iñaki Azkuna eta Gabriel Maria Inclan (Osasuna) • Mari Karmen Garmendia (Kultura) • Francisco Jose Ormazabal (Lurralde Plangintza, Etxebizitza eta Ingurumena) • Alvaro Amann (Garraio eta Herri Lanak) • Iñaki Gerenabarrena (Nekazaritza eta Arrantza)