Josep Maria Flotats

Josep Maria Flotats
Irudi gehiago
1. director of Catalan National Theatre (en) 1996 - 1998 ← baliorik ez - Domènec Reixach (en) →
Bizitza
Jaiotza	Bartzelona, 1939ko urtarrilaren 12a (85 urte)
Herrialdea	Espainia  Frantzia
Lehen hizkuntza	frantsesa
Hezkuntza
Hizkuntzak	frantsesa gaztelania katalana
Jarduerak
Jarduerak	aktorea, antzerki zuzendaria, telebista-aktorea eta theatre manager (en)
Parte-hartzailea Defensem l'escola en català
Jasotako sariak	ikusi Ohorezko Legioko ofiziala Arte eta Letren zalduna Sant Jordiren gurutzea  (1982) Arte Ederretako Merituaren Urrezko Domina  (1999) honorary doctor of the Autonomous University of Barcelona Gérard-Philipe Price  (1970)

Josep Maria Flotats i Picas (Bartzelona, Katalunia, 1939ko urtarrilaren 12a) katalanezko antzerki-antzezle eta zuzendaria da.

Ikasle garaian hasi zen antzezlan txikiak antzezten. Beka batek lagunduta, Estrasburgoko Antzerki Eskola Nazionalean ikasi zuen hiru urtez. Ondoren, Paris hartu zuen bizilekutzat, eta hainbat konpainiarekin lan egin zuen. Besteak beste, sari hauek jaso zituen Frantzian: 1970ean, Gérard Philipe saria, eta, 1980an, Frantziako Antzezlerik Onenaren saria. 1981etik 1983ra, Comedie Française antzokiko pensionnaire edo aktore finko izan zen. Kataluniara itzuli zenean (1984), Companyia Flotats konpainia sortu zuen. Antzerki-talde horrek katalanez antzeztu du beti: Cyrano de Bergerac (1985), Per un sí, per un no (1986), El despertar de la primavera (1986), Lorenzaccio (1988), El misàntrop (1989) eta Tots assajant Don Juan (1993). 1995ean, Kataluniako Antzoki Nazionala sortu zuen. Telebistan eta zineman ere egin ditu lanak: Pim, pam, pum, fuego (Pedro Olea), Jo, papá (Jaime de Armiñán), Le premier amour (1991), El largo invierno del 39 (Jaime de Armiñán) eta Boca a boca (1995). 1998an, Madrila aldatu zen, eta Yasmina Producciones Artísticas S.L. antzerki-ekoiztetxea sortu zuen, gero Taller 75 S.L. izena hartuko zuena. Urte hartan, Yasmina Rezaren Art komedia zuzendu eta antzeztu zuen, eta kritika onak izan zituen. 2001ean, eszenako zuzendari izan zen lehenbizikoz Madrilgo Teatro Realen Mozarten Così fan tutte operarekin, zeina Bartzelonako Liceura eraman baitzuen 2003an. Arte Eszenikoen Max sari bat baino gehiago eman dizkiote. Espainiako Antzerkiko Sari Nazionala eman zion 1989an Kultura Ministerioak, eta Kataluniako Interpretazioaren Sari Nazionala, Kataluniako Generalitateak.

• El hombre que caminó mirando las estrellas. José Tamayo (2006), Carlos Duarterena.
• Boca a boca (1995), Manuel Gómez Pereirarena.
• Promenades d'été (1992), René Féretena.
• Jo, papá (1975), Jaime de Armiñánena.
• Pim, pam, pum... ¡fuego! (1975), Pedro Olearena.
• Aloïse (1975), Liliane de Kermadecena.
• L'important c'est d'aimer (1975), Andrzej Zulawskirena.
• L'araignée d'eau (1971), Jean-Daniel Verhaeguerena.
• L'amour (1970), Richard Balduccirena.
• Tante Zita (1968), Robert Enricorena.
• La guerre est finie(1966), Alain Resnaisena.
• Les anges exterminés(1966), Michel Mitranirena.

• Bartzelonar ezagunen zerrenda

• (Gaztelaniaz) Josep Maria Flotats i Picasen bloga