Ignazio Arregi

Ignazio Arregi
Bizitza
Jaiotza	Oñati, 1931ko abuztuaren 6a
Herrialdea	Gipuzkoa, Euskal Herria
Heriotza	Loiola, 2020ko azaroaren 16a (89 urte)
Hezkuntza
Heziketa	Deustuko Unibertsitatea
Hizkuntzak	gaztelania
Jarduerak
Jarduerak	kazetaria eta erlijiosoa
Sinesmenak eta ideologia
Erlijioa	katolizismoa
Erlijio-ordena	Jesusen Konpainia

Ignazio "Inazio" Arregi Zendoia (Oñati, 1931ko abuztuaren 6a - Loiola, 2020ko azaroaren 16a) gipuzkoar erlijio-gizon eta kazetaria izan zen.

Hamazazpi urte zituela Jesusen Konpainian sartu eta Filosofia eta Teologia ikasketak hasi zituen Oñako San Francisco Javier Ikastetxean (Burgos). Bi lizentziaturak Bilbon, Deustuko Unibertsitatean, amaitu zituen geroago. Kazetaritzaren munduan murgildurik, 1963-1965 bitartean Bergamoko (Italia) "Scuola di Giornalismo di Bergamo" delakoan telebista eta irratian espezializatuz, Gizarte Komunikabidetako Diplomatura lortu zuen. Loiolako Herri Irratian 1966. urtean esatari-lanetan hasi eta 1982 arte jardun zuen, azken lau urteetan zuzendari gisa. Bertatik, Eusko Irratira egin zuen jauzi.^[1]

Garai hartan herri-mailako musika-programarik hoberenaren Ondas Saria ere jaso zuen. Herri Irratia utzi zuenean, Eusko Irratia, Radiodifusión Vasca, S.A.-ko zuzendari izatera pasa zen 1982ko abenduan, eta kargu horretan egon zen 1985 arte. 1986an, Vatikano Irratian hasi zen lanean, Programazio saileko zuzendariorde eta Informatiboen saileko zuzendari bezala. TVErekin lankidetzan ere ibili zen Vatikanotik, igandeko mezei ahotsa jarriz.^[1]