Gantt diagrama

Proiektuen kudeaketan, Gantt diagrama proiektu edo lan-andana bateko bilakaera agertzen duen aurreikuspen bat da, lanen arteko bateragarritasunak eta ondorengotasunak kontuan harturik, azkenean proiektu osoaren iraupen minimoa emateko. Aldi berean, egutegia agertzen duen ardatz batean zehar eta proiektuaren hasiera-data finkaturik, egin beharreko lanak noiz hasi eta bukatu behar diren azaltzen du, lanen denbora-planifikazioa zehaztuz horrela. Henry Gantt estatubatuar ingeniariak asmatu zuen 1910eko hamarkadan, taylorismoaren printzipioak jarraituz.