Francisco Escudero

Francisco Escudero
Bizitza
Jaiotzako izen-deiturak	Francisco Escudero García de Goizueta
Jaiotza	Zarautz, 1912ko abuztuaren 13a
Herrialdea	Gipuzkoa, Euskal Herria
Heriotza	Donostia, 2002ko ekainaren 7a (89 urte) (89 urte)
Hezkuntza
Hizkuntzak	euskara; gaztelania
Irakaslea(k)	Beltran Pagola; Conrado del Campo (en)
Ikaslea(k)	ikusi Juan Artzamendi; Baikune de Alba Egiluz; Pascual Aldabe Rodríguez; Roberto Bienzobas; Javier Jacinto; Ramon Lazkano; Angel Illarramendi; Alberto Iglesias;
Jarduerak
Jarduerak	musikagilea eta orkestra zuzendaria
Jasotako sariak	ikusi Arte Ederretako Merituaren Urrezko Domina (1997) ;
Genero artistikoa	opera

Francisco Escudero Garcia de Goizueta (Zarautz, Gipuzkoa, 1912ko abuztuaren 13a - Donostia, Gipuzkoa, 2002ko ekainaren 7a) euskal musikagilea zen.

Biografia

Francisco Escuderoren omenezko monumentua Zarauzko Villa Munda edo Zeleta Berri jauregiko lorategian.

Donostiako Musikaren Udal Ikastegian hasi zen musika ikasten beranduago Madrilen amaitzeko. 1930ko hamarkadan, Parisera joan zen Paul Dukas eta Paul Le Flem-ekin ikastaro bat egitera Munich-en amaitzeko, Albert Wolf zuela irakasle. 1937an, Espainiako Arte Ederretako saria jaso zuen, Trío bucólico lanarekin. Gerra Zibilaren garaian, Frantziara joan zen, gerora itzultzeko.

1945ean, Bilbora joan zen bizitzera. Bertan, Bilboko Koralaren zuzendari izendatu zuten Escudero. 1947an, Pinceladas vascas piano eta orkestrarako lanarekin saria jaso zuen. 1948an Zarautzera bueltatu zen Donostiako Musikaren Udal Ikastegiaren zuzendari izatera. 1957an, Espainiako Musika Sari Nazionala irabazi zuen Arantzazu eta Evocación en Itziar obrekin. 1960an, Donostiako Banda sortu zuen. Bilbon aurkeztutako Zigor opera-lanarekin, berriz ere, Espainiako Musika Sari Nazionala jaso zuen.

Azkenengo urte hauetan, Bilboko eta Galiziako Orkestra Sinfonikoek jo dituzte bere lanak. Escudero familia, konpositoreak estreinatu gabeko lanak estreina daitezen saiatzen ari da urteotan. 2002an hil zen, eta oroigarri bezala, Donostiako Udalak hiriko plaza bati ezarri zion Francisco Escudero izena. 2004an, Donostiako Musika Udal Ikastegia edo Kontserbatorioaren izena aldatu zen, gaur Francisco Escudero Kontserbatorioa izena duelarik.

Monumentua

Gaur egun Zarautzen, musika kontserbatorioa kokatzen den Villa Munda edo Zeleta Berri jauregiko lorategian Escuderoren omenezko monumentu bat kokatzen da.