Fidagarritasun (estatistika)

Estatistikan, fidagarritasuna neurketa multzo baten zehaztasuna da, gehienetan test edo azterketa bati buruz. Neurketa gailu bati buruz ari denean, neurketa behin eta berriz berdintsua izateko joera aztertzen du fidagarritasunak. Neurketa subjektiboagoen kasuan, bi epailek hautagai bati buruzko iritzi bat eman behar dutenean esaterako, epaile edo balorazio metodoen adostasuna aztertzen du.

Fidagarritasuna ez da baliozkotasun kontzeptuarekin nahastu behar. Neurri bat oso fidagarria edo zehaztasun handikoa izan daiteke, baina aldi berean baliteke neurtu nahi den magnituderako egokia ez izatea. Adibidez, 100 kilogramoko pisua duen pertsona bat balantzaz ematen duen pisua 80 kilogramo inguruan badago, zehaztasun handiz, balantza fidagarria dela esan daiteke, baina ezin da esan baliozkoa denik. Praktikan, esaterako, trebetasun ezberdinetarako test edo azterketa zehatzak izaten dira, baina askotan ez dira baliozkoak, lanposturako egokitasuna neurtzen ez dutelako.

• Test-retest
• Cronbachen alpha
• Fleissen kappa