Aitor Gorosabel

Aitor Gorosabel
	; Aitor Gorosabel kontzertu batean. Irudi gehiago
Bizitza
Jaiotzako izen-deiturak	Aitor Gorosabel Garai
Jaiotza	Eibar, 1970eko otsailaren 2a (54 urte)
Herrialdea	Gipuzkoa, Euskal Herria
Familia
Haurrideak	ikusi Mikel Gorosabel;
Hezkuntza
Heziketa	Euskal Herriko Unibertsitatea
Hizkuntzak	euskara; gaztelania
Jarduerak
Jarduerak	gitarra-jotzailea
Kidetza	Su Ta Gar
Genero artistikoa	heavy metala

Aitor Gorosabel Garai (Eibar, Gipuzkoa, 1970eko otsailaren 2a) Su Ta Gar taldeko gitarra-jotzaile solista, kantari eta konpositore nagusia da.^[1]

Biografia

Lau senideetatik hirugarrena da. Eibarren jaio zen 1970eko otsailaren 2an. Bere anaia-arreba guztiek dute lotura musika munduarekin. Arreba biak, Aintzira eta Amaia, musika irakasleak dira, eta bere anaia nagusia Mikel "Norton" E.H Sukarra taldeko kantaria eta gitarra jotzailea da.

Aitor lauzpabost urterekin hasi zen pianoa jotzen bere anaia-arrebekin batera eta OHO-ko lehenengo hiru urteetan solfeo eta piano ikasketak egin zituen. Horrez gain Euskal Herriko Unibertsitatean publizitatea ikasi zuen.

12 urterekin gitarra klasikoa hartu zuen eta "Norton" imitatuz ikasteari ekin zion. Ondoren Joko zituen lehenengo kantuak punk sailekoak izango ziren; La Polla eta Eskorbuto bezalako Euskal Herritar taldeak mirestuz. 16 urterekin Heavy Metala ezagutu zuen Accept, Judas Priest, Faith No More edo Metallica bezalako taldeen eraginez, horrela, gitarra elektrikoarekin hasi zen "Napalm" talde Eibartarreko gitarra jotzaileak emandako lehen ikastaldiekin. Ondoren autodidakta gisa jarraitu zuen.

1987an, ikastolako ezagunak zituen Xabier Bastida, Asier Osoro eta Borxa Arrilagarekin elkartu eta denen artean Su Ta Gar taldea osatu zuten.

Taldearekin estudioko hamaika disko plazaratu ditu, zuzeneko 4 disko eta hainbat bideo. Azken diskoa 2016an atera dute "Maitasunari pasioa" izenarekin.

Bakar lanean ere atera izan ditu abesti batzuk ere. Esate baterako bere anaia Mikelekin batera (Norton) Euskal Herriko Unibertsitatearentzat 2004an atera zuen "Hesi artean" abestia edota 1993an Egunkariaren ekitaldi baterako eta hamar urte geroago Su Ta Gar en Itsasoz beteriko mugetan diskoan sartuko zuen Zu zara Egunkaria abestia hain zuzen ere.

Honez gain parte hartze ugari egin ditu, esate baterako EH Sukarra, Koma, Idi bihotz, Lor, Boikot, edota Legen Beltza bezalako musika taldeekin, Bildu koalizioaren kantuan, baita Pirritx, Porrotx eta MariMotots pailazoekin ere.