Karotenoide

Karotenoideak terpenoen taldeko pigmentu organiko batzuk dira, oso ugariak naturan.

Guztiz hedatuak daude landareen artean, algetan, zenbait onddotan eta bakterioetan. Landareei kolorea ematen diete, kolore horia, laranja, gorria edo morea. Animaliek ezin dituzte sintetizatu eta dietan hartu behar dituzte.

Azenariotan (Daucus carota) ugariak dira eta kolore laranja ematen diote. Hortik datorkie izena.

Tetraterpenoak dira, zortzi isoprenoz osaturik daude, 40 karbono dituzte beraz. Bi erdi simetrikotan banatzen dira. Erabat hidrofoboak izan ohi dira, lipodisolbagarriak dira beraz.

Landareetako loreetan, fruituetan eta sustraietan aurkitzen dira. Pigmentuak dira eta fotosintesian hartzen dute parte. Animalietan egitura anitzen osagai izaten dira, eta egitura horien kolorea haiek emana izan ohi da, hala nola arrautzaren gorringoarena eta krustazeo askoren oskolena.

700 karotenoide deskribatu dira, gutxi gorabehera. Bi multzo nagusitan sailkatzen dira:

• Karotenoak: Oxigenorik ez dutenak.
• Xantofilak: Gutxienez oxigeno atomo bat dutenak.

Karotenoak
α-Karotenoa	β-Karotenoa
γ-Karotenoa	δ-Karotenoa
ε-Karotenoa	ζ-Karotenoa
Likopenoa
Xantofilak
Anteraxantina	Astaxantina
Biolaxantina	Fukoxantina
Kantaxantina	Kriptoxantina
Errodoxantina	Luteina
Neoxantina	Zeaxantina