Sven Lidman (lexikografoa)

Sven Lidman (lexikografoa)
	;
Bizitza
Jaiotza	Stockholm, 1921eko abenduaren 3a
Herrialdea	Suedia
Heriotza	2011ko otsailaren 28a (89 urte)
Hobiratze lekua	Old cemetery (en)
Familia
Aita	Sven Lidman
Ama	Brita Lidman
Haurrideak	ikusi Sam Lidman (en) ; Eva Berggrén (en) ; Ulla Lidman-Frostenson; Bibi Langer (en) ;
Hezkuntza
Hizkuntzak	suediera
Jarduerak
Jarduerak	lexikografoa, hizkuntzalaria eta autobiografialaria

Sven Lidman (1921eko abenduaren 3a – 2011ko otsailaren 28a) lexikografo suediarra, izen bereko Sven Lidman idazlearen semea, Stockholmen bizi izan zena. Hainbat entziklopediatako editore nagusia izan zen. Entziklopediako ilustrazioak testuarekin koordinatzeko estilo berria asmatu zuenez, entziklopedia horietako batzuk nazioarteko proiekzio zabala izan zuten, Focus (1958-1960) eta Combi Visuell (1968-1970) entziklopediak batez ere.

*Combi Visuell*, 5 liburuki (1968) eta Combi *Lexikon*, 2 liburuki (1973).

1992an Eusenor-ek argitaratu zuen euskarazko Gazteen Entziklopediak Lindmanen Combi Visuell entziklopedia hartu zuen abiapuntu moduan.

Bizialdia

Ilustrazioak erabiltzeari buruzko ideiak ezarri zituen, ez testuaren azalpenarekin paraleloan eta bide independentetik agertzeko, baizik eta testuarekin batera koordinatuta azalpen maila sakonago bat lortzearren. Horrek bultzada berriak ekarri zizkion Europako lexikografiari Focus eta Combi Visuell entziklopiekin. Azken horrek arrakasta berezia lortu zuen, esaterako, gizakia Ilargira iritsi zen urte beretako booma ilustratzen.

1983an, Sven Lidmanek Bild och Ord Akademin sortu zuen, Hitz eta Irudien bidezko Komunikazioaren Suediako Akademia, eta horregatik Preses Magnificus ohorezko titulua du. 1983an sortu zenetik, Akademiak Lidman Saria ematen du urtero, hitzetan eta irudietan informazio ona emateagatik.

Uppslagsboken och jag ("La enciclopedia y yo") autobiografiak 1950eko hamarkadatik 70eko hamarkadara arteko Lidmanen bizialdia kontatzen du, eta 1988an argitaratu zen. Autobiografia eguneratu bat argitaratu zen 2006an, Fadern, sonen och den härliga bokbranschen. Bi liburuak denboran zehar gainjartzen dira, baina azkenak gogoeta pertsonal gehiago ditu, eta autoreak predikatzen dituen irudimenezko teknikak gehiago erabiltzen ditu, 90eko hamarkadako autorearen bizitzako gertaerak betetzeaz gain. Hurrengo kapitulu bat PDF formatuan deskarga daiteke editorearen web gunetik (http://www.lindco.se/).

Lanak

Suedierazko zenbait entziklopediaren editore nagusia edo zuzendaria izan zen, hauek barne:

Kunskapens bok entziklopediaren 5. argitalpena (9 bolumen 1954-1955)
Focus (5 bolumen 1958-1960)
Lilla Focus (1 bolumen 1961)
Combi Visuell (5 bolumen 1968-1970)
Combi lexikon (2 liburuki 1973)
Familjens universallexikon (2 bolumen 1975)
Bonniers familjelexikon (20 liburuki 1983-1986)
Bonniers stora lexikon (15 liburuki 1985-1990).

Erreferentziak

Kanpo estekak

Bild och Ord Akademin
Svenska Uppslagsverk, Suediako entziklopediei buruzko Christofer Psilanderren webgunea

Datuak: Q2919837