Prezidanto de Pollando
| Prezidanto de Pollando | ||
|---|---|---|
| Prezydent Rzeczypospolitej Polskiej | ||
| ||
.JPG)
| ||
| Andrzej Duda | ||
| publika posteno organo 
| ||
| Komenco | 11-a de decembro 1922 vd | |
| Antaŭe | chief of state (Poland) vd | |
| Lando(j) | Pollando vd | |
| Retejo | Oficiala retejo | |
Prezidento (Prezidanto) de Pola Respubliko (pole Prezydent Rzeczypospolitej Polskiej) estas, laŭ la Konstitucio, la plej alta reprezentanto de aŭtoritatoj en Pollando. Li estas ŝtatorgano pri plenuma povo kaj militestro de Pola Armeo.
La ofico ekzistas seninterrompe ekde 1922; post la jaro 1939 la devojn plenumis Prezidentoj en ekzilo en Londono. En t.n. Popola Pollando (1944-1989) la ofico ekzistis en la jaroj 1947-1952. En 1989, pro decidoj de Ronda Tablo, la ofico estis restarigita kaj oni elektis la nuran Prezidenton de Pola Popola Respubliko (Wojciech Jaruzelski). En 1990 Ryszard Kaczorowski, la lasta Prezidanto en ekzilo, transdonis siajn rajtojn al Lech Wałęsa, nove elektita Prezidento de la 3-a Pola Respubliko.
Ekde la 23-a de decembro 2005 ĝis sia morto en 10-a de aprilo 2010 Lech Kaczyński estis Prezidento de Pollando. En la 4-a de julio 2010 Bronisław Komorowski estis elektita kiel Prezidento. Li komencis efektivigi ĉi tiun funkcion en la 6-a de aŭgusto 2010.
De la 6-a de aŭgusto 2015 la oficon de la Prezidento de Pollando plenumas Andrzej Duda.[1]
Oficperiodo kaj metodo de voĉdonado
[redakti | redakti fonton]
Prezidenton elektas rekte la popolo por kvinjara oficperiodo. La sama persono povas esti denove elektita nur unufoje.
Dum la voĉdonado ĉiu elektanto voĉdonas por unu kandidato. Fariĝas prezidenton tiu kandidato, por kiu voĉdonis pli multe ol duono de voĉdonantaj elektantoj. Se neniu kandidato ricevis tian voĉplimulton, oni efektifigas ripetan voĉdonadon kun du kandidatoj ricevintaj plej multe de voĉoj.
Prezidenta ĵuro
[redakti | redakti fonton]Laŭ la 130-a artikolo de Konstitucio, la nove elektita Prezidento ekokupas la oficon post jena ĵuro ĉe la Nacia Konvento:
Ekokupante laŭ volo de la Nacio la oficon de Prezidento de Pola Respubliko, mi solene ĵuras, ke mi estos fidela al Konstituciaj decidoj, mi malcedeme gardos dignon de la Nacio, sendependecon kaj sekurecon de la Ŝtato, kaj bono de la Patrujo kaj prospero de la civitanoj estos por mi ĉiam la plej alta ordono.
Al la ĵuro oni povas aldoni dirante:
Tiel helpu min Dio.
Referencoj
[redakti | redakti fonton]- ↑ Uroczystości inauguracji Prezydenta RP Andrzeja Dudy (pole). Arkivita el la originalo je 2015-08-06. Alirita 2015-08-07.
