Michael Dukakis

Michael Dukakis
Persona informo
Michael Dukakis
Naskiĝo	3-an de novembro 1933 (1933-11-03) (91-jaraĝa) en Brookline
Religio	ortodoksa kristana eklezio • ortodoksismo vd
Lingvoj	angla vd
Loĝloko	Brookline vd
Ŝtataneco	Usono vd
Alma mater	jura altlernejo Harvard Swarthmore College (en) Brookline High School (en) vd
Partio	Demokrata Partio vd
Subskribo
Familio
Edz(in)o	Kitty Dukakis (en) (1963–) vd
Infanoj	John Dukakis (en) vd
Parencoj	Olympia Dukakis (unuaranga kuzino) vd
Profesio
Okupo	politikisto advokato universitata instruisto vd
Aktiva en	Bostono vd
Postenoj Postenoj Guberniestro de Masaĉuseco (1983–1991) Member of the Massachusetts House of Representatives (en) (1965–) Member of the Massachusetts House of Representatives (en) (1965–1971) Member of the Massachusetts House of Representatives (en) Member of the Massachusetts House of Representatives (en) vd
Honorigoj Honorigoj  Distinguished Eagle Scout Award (en) vd
vd	Fonto: Vikidatumoj
v • d • r

Michael Stanley DUKAKIS [MAJkl STENli duKAkis] (naskita la 3-an de novembro 1933 en Brookline en Masaĉuseco) estas usona politikisto, membro de la Usona Demokrata Partio.

Dukakis, filo de grekaj enmigrintoj, abiturientiĝis en 1955 ĉe la Kolegio de Swarthmore kaj armeservis. En 1960 li diplomiĝis pri juro ĉe la jura fakultato de Universitato Harvard (Harvard Law School).

En 1974 li elektiĝis guberniestro de Masaĉuseco, promesinte ne altigi la vendimposton, kion li poste tamen faris. Interalie pro disputo pri altaj impostoj li perdis la kandidatecon de sia partio en 1978; lia sampartiano Edward J. King iĝis guberniestro. De 1983 ĝis 1990 Dukakis denove havis tiun postenon. En tiu tempo Masaĉuseco prosperis interalie pro furoro de nov-teknikaj entreprenoj, kio akiris la nomon "Masaĉuseca Miraklo".

En 1977 li kaŭzis atenton per publika rehabilito de Sacco kaj Vanzetti, ekzekutitaj en Masaĉuseco kvindek jarojn antaŭe.

Interalie surbaze de la Masaĉuseca Miraklo Dukakis atingis esti prezidenta kandidato de sia partio en 1988. En la elektoj li malvenkis kontraŭ la respublikana kandidato, ĝistiama vic-prezidento George H. W. Bush.

Ŝlosilaj faktoj en la elekta kampanjo eble estis lia rifuzo de la mortpuno kaj lia subteno al programo de ferietoj por prizonuloj. Liaj kontraŭuloj uzis ambaŭ faktojn por prezenti Dukakis kiel danĝeron por la publika sekureco. En televida diskuto Dukakis respondis la demandon, ĉu li aprobus la mortpunon, se iu perfortus kaj murdus lian edzinon, per senemocia "Ne, kaj mi supozas, ke vi scias, ke mi kontraŭis la mortpunon dum mia tuta vivo." Multaj opiniis, ke Dukakis estu montrinta iom da emocio, pensante pri kruela krimo al amata homo.

Ĉar la ekonomia recesio trafis ankaŭ Masaĉusecon, la politiko de Dukakis estis pli kaj pli kritikata. En 1990 li eksiĝis kiel guberniestro, unue iĝis estrarano de fervoja kompanio Amtrak kaj poste profesoro pri politika scienco en la Nord-orienta Universitato en Masaĉuseco.

Dukakis estas edzo de Katherine D. Dukakis; ili havas tri gefilojn kaj vivas en la gepatra domo de Dukakis en lia naskiĝurbo Brookline.

• http://www.sccs.swarthmore.edu/org/phoenix/2002/2002-09-19/news/12182.php Arkivigite je 2007-10-22 per la retarkivo Wayback Machine
• http://www.centerforpolitics.org/reform/nss_bio-dukakis.htm Arkivigite je 2006-07-21 per la retarkivo Wayback Machine
• http://www.spa.ucla.edu/dept.cfm?d=up&s=faculty&f=faculty1.cfm&id=59 Arkivigite je 2010-10-28 per la retarkivo Wayback Machine
• http://www.superpowermusic.com/audio/SuperPower_-_First_Response_-_03_-_I_Voted_for_Dukakis.mp3 Arkivigite je 2006-03-18 per la retarkivo Wayback Machine