„ Juhana Henrik Erkko estis finna poeto kaj probatalanto de ĉiuj humanecaj idealoj - popolklerigo kaj libereco, abstineco kaj puraj moroj - kaj kiam li admiris la amon al patrolando, li neniam forgesis, ke la propra popolo estas nur parto de la tuta homaro kaj ke la celado al ĝia prosperigo devas esti submetata al la deziro servi al la homaro, kun flankenmeto de nacia egoismo. La "Finna hejma regularo" aperis ĉe la ŝanĝo de la jarcentoj, kiam la libereco kaj aŭtonomio de Finnlando estis minacataj de la rusa carismo, kaj celis veki la popolon al morala forto en la "pasiva", senarmila defendo de siaj juraj rajtoj kaj en la batalo por la justeco. Ĝi prezentas kvazaŭ la konfeson de la poeto. ”
vd
