Herent

Herent
municipo
la urbodomo la urbodomo
municipo en Belgio vd
Flago	Blazono
Administrado
Lando	Belgio
Provinco	Flandra Brabanto
Poŝtkodo	3020
Kodo laŭ NIS	24038
En TTT	Oficiala retejo [+]
Demografio
Loĝantaro	21 213 (januaro 2016)
Loĝdenso	583 loĝ./km²
Geografio
Geografia situo	50° 54′ N, 4° 40′ O (mapo)50.90814.6706Koordinatoj: 50° 54′ N, 4° 40′ O (mapo) [+]
Alto	27 m [+]
Areo	32,73 km² (3 273 ha)
Horzono	GMT+1h; (+2h de aprilo ĝis oktobro)
	Herent (Belgio)
	Situo de Herent en Belgio
Alia projekto
	Vikimedia Komunejo Herent [+]
	v • d • r

Krome Herent ankaŭ estas la nomo pri parto de la municipo Neerpelt en la provinco Limburgo de Belgio.

Herent (nederlande, proksimuma prononco [HE:r'nt]) estas municipo en Belgio en la nederlandlingva provinco Flandra Brabanto kiu ĉirkaŭas la Bruselan Ĉefurban Regionon. Ĝi situas en la regiono de la rivero Dijle (Dijleland). Komence de januaro 2016 la municipo havis 21 213 loĝantojn. Ĝi apartenas al la distrikto (aŭ arondismento) Loveno.

Ekde 1977 la municipoj Veltem-Beisem, Delle kaj Winksele apartenas al Herent, la ĉefa municipo.

Historio

Herent certe ekestis antaŭ la 9-a jarcento, kiam la paroĥoj estis dividitaj. Herent en la 13a jarcento jam havis proprajn skabenojn kaj propran sigelon.

La intendanto de Herent funkciis kiel juĝisto kaj policano. Li ankaŭ respondecis pri la vilaĝoj Veltem, Winksele, Tildonk, Korbeek-Dijle kaj Neerijse. La estrarkunsidoj okazis en trinkejo. La arkivoj estis konservitaj en du kofroj en la turo de la vilaĝcentro.

Administre Herent dependis de la Duklando Brabanto. La sinjorfamilioj kiuj tie per aĉetado aŭ heredado ricevis la povon, neniam longe regis.

En 1658 la hispana reĝo Filipo la kvara de Hispanio donacis la municipon kiel baronlando al René van Mol. Siavice la baronoj van Spangen heredis Herent'on. En 1687 la reĝo Karlo la 2-a de Hispanio donis al ili la rajton ligi la nomon "van Spangen" al la nomo de la loko. Tio restis tiel ĝis la Franca Revolucio en 1789.

La loĝantoj ofte suferis sub la tumultemon de la militistaj bandoj. Kiam la urbo Loveno estis atakata, la atakoj plej ofte okazis el Herent. La militaj operacioj estis paciligitaj de la oportuna tereno.

La monaĥejo de Bethlehem kun siaj grandaj salonoj estis bonega restadejo por la militista stabo de la atakantoj. La trupoj restadis inter la Roeselberg kaj la vilaĝo. Tiel okazis ĉe la militiroj de Maarten van Rossum en 1543, de Vilhelmo la Silentulo en 1572, de la duko de Alençon en 1582, de Richelieu kaj la Princo de Oranje en 1635 kaj de la francaj trupoj en 1694.

Nur ekde 1713 la ĉirkaŭaĵo konis relativan trankvilon, dank'al la Traktato de Utrecht. Dum la ribelo de 1830-1831 estis bataleto sur la Roeselberg. Dum la Dektaga Militiro la nederlanda dua divizio gvidata de Karel Bernhard de Saxen-Weimar okupis la Ijzerenberg kaj la ŝoseon al Bruselo por tiel fermi la zonon ĉirkaŭ Loveno en la direkton de Bruselo.

Ĝis 1860 la loĝantaro de Herent konsistis preskaŭ ekskluzive el terkulturistoj. En la dua duono de la 19a jarcento la komunumo pli industriiĝis. Ankaŭ homoj iris labori ekster la komunumon kaj pendolvojaĝi al Bruselo, Loveno kaj Zaventem.

En la 1-a de januaro 1977 la (part)municipoj Veltem-Beisem, Winksele kaj Herent kune iĝis la (fuziita) municipo Herent. Wijgmaal, ĝis tiam parto de Herent, transiris al Loveno. Kelfs (inter Wijgmaal kaj Haacht) transiris al Haacht. En pli frua plano rilate ĉi tiun fuzion ankaŭ Herent estus aldonita al la urbo Loveno. Pri tiu plano oni poste rezignis.

Geografio

Kernoj

Pli ol la duono de la loĝantoj loĝas en la ĉefa municipo Herent. La partmunicipoj Winksele kaj Veltem-Beisem enhavas po preskaŭ kvaronon de la loĝantoj.

#	Nomo	Loĝantaro (31/12/2005)
I	Herent	10.519
II	Winksele	4.236
III	Veltem-Beisem	4.371

Demografio

Demografia evoluo

1800 : 1315
1900 : 5234
1976 : 11.359
2006 : 19.218

Demografia evoluo de la fuziita municipo

Ĉiuj historiaj donitaĵoj rilatas al la nuna muniicpo, inkluzive de la partmunicipoj, kiel ĝi ekestis per la fuzio en la 1-a de januaro 1977.

Fontoj:NIS, Rim:1806 ĝis 1981=popolnombradoj; 1990 kaj poste= loĝantaro en la 1-a de januaro

Moveco

Herent havas du fervojajn staciojn ĉe la linio Bruselo-Lieĝo (linio 36), nome la stacidomon de Herent kaj tiun de Veltem. La stacidomo de Beisem depost 1984 ne plu funkcias.

Politiko

Urbestroj

Depost la fuzio la urbestroj estis la jenaj:

1977 - 1982 : Leopold Smout (CVP, nun CD&V)
1983 - 1988 : Maurice Hensmans (SP, nun sp.a)
1989 - 1994 : Leopold Smout (CVP, nun CD&V)
1995 - 2012 : Willy Kuijpers (Volksunie, "popola unio", post ties malfondo en 2001 membro de WIJ-grupo)
2013 - nun : Marleen Schouteden (Nov-Flandra Alianco, N-VA)

Nuna koalicio

Ekde la jaro 2013, la urbestrino estas Marleen Schouteden (N-VA). Ŝi gvidas koalicioj konsistantan el la partioj N-VA (flandrema), sp.a (socialista) kaj CD&V (kristandemokrata). Kune ili formas plimulton kun 17 de la 27 seĝoj.

Instruado

Infanlernejoj kaj bazaj lernejoj

Toverveld
lernejo Pastoor De Clerck
De Bijenkorf
De Kraal (5 ejoj)

Aliaj lernejoj

Herent uzas la multajn mezlernejojn, altlernejojn kaj universitaton de la apuda urbo Loveno.

Konataj Herent-anoj

Naskiĝintaj en Herent

Dirk Sterckx (1946-), politikisto
Bob Van Bael (1924-2002), televida ĵurnalisto
Ivo Van Damme (1954-1976), atleto

Loĝantaj aŭ -intaj en Herent

Willy Kuijpers (1937-), politikisto
Paul D'Hoore (1959-), ĵurnalisto
Ruud Hendrickx (1964-), VRT-lingvokonsilisto
Jo De Clercq (1947-), kantisto kaj politikisto
Tonya Schamp (1995-), kantistino
Jos Bex (1946-), politikisto
Bart Swings (1991-), sketisto

Mortinta en Herent

Dominique Pire (1910 – 1969), Gajninto de la Nobelpremio por la paco

Eksteraj ligiloj

Oficiala retejo de la municipo (nederlande)

Provinco Flandra Brabanto

Belgio | Provincoj